مجھے وزیراعلیٰ کے عہدے کی کوئی خواہش نہیں، وزیراعظم مودی جو بھی فیصلہ کریں گے منظور ہے: ایکناتھ شندے

ایکناتھ شندے نے جمعرات کو پریس کانفرنس میں کہا کہ وزیراعظم مودی جو بھی فیصلہ کریں گے ہمیں منظور ہے۔

ممبئی: مہاراشٹر کا اگلا وزیراعلیٰ کون ہوگا اس کو لے کر دہلی سے ممبئی تک سیاسی سرگرمیاں جاری ہیں۔ ساتھ ہی سبکدوش ہونے والے وزیر اعلیٰ ایکناتھ شِندے نے پریس کانفرنس کے دوران کرسی چھوڑنے کا اشارہ دیا۔ انہوں نے کہا کہ انہیں وزیراعلیٰ کے عہدے کی کوئی خواہش نہیں ہے۔ حکومت بنانے میں ان کی طرف سے کوئی رکاوٹ نہیں ہے۔

سبکدوش ہونے والے سی ایم شندے نے کہا کہ پی ایم مودی اور امیت شاہ جو بھی فیصلہ لیں گے، وہ اسے قبول کریں گے۔ انہوں نے کہا کہ انہوں نے ہمیشہ ایک عام آدمی کی طرح کام کیا اور کبھی خود کو وزیر اعلیٰ نہیں سمجھا۔ ہم نے ماجھی بہن یوجنا پر کام شروع کیا۔ انہوں نے کہا کہ ان کے لیے وزیراعلیٰ کا مطلب عام آدمی ہے۔

آپ کو بتاتے چلیں کہ مہاراشٹر میں ہوئے اسمبلی انتخابات کے نتائج آئے ہوئے 5 دن ہوچکے ہیں، لیکن ابھی تک نئے وزیراعلیٰ کے نام کا اعلان نہیں کیا گیا ہے۔ وقت کے ساتھ ساتھ ممبئی اور دہلی میں سیاسی ہلچل تیز ہو گئی ہے۔

دوسری طرف، مہاراشٹر کے نائب وزیر اعلی دیویندر فڑنویس بدھ کو نئی دہلی کے لیے روانہ ہوئے۔ مہاراشٹر کے نئے وزیر اعلیٰ کے بارے میں میڈیا سے بات کرتے ہوئے فڑنویس نے کہا کہ اس کا جواب جلد ہی دیا جائے گا، انہوں نے کہا کہ مہایوتی کی تینوں پارٹیوں کے تمام سینئر ممبران مل کر اس پر فیصلہ کر رہے ہیں۔

دیگر وزراء کے عہدوں پر فیصلے پر بات کرتے ہوئے، فڑنویس نے کہا کہ پہلے وزیر اعلیٰ کے لیے فیصلہ کیا جائے گا اور پھر باقی فیصلہ لیا جائے گا، فڑنویس نے الیکٹرانک وینڈنگ مشینوں (ای وی ایم) پر اپوزیشن کی عوامی تحریک کے بارے میں بھی بات کی۔ انہوں نے کہا کہ سپریم کورٹ پہلے ہی سوال کا جواب دے چکی ہے اور مزید کہا کہ ای وی ایم سسٹم جاری رہےگا۔