کیمرہ کی مدد سے غازی آباد میں ملازمہ کی جانب سے کھانے میں پیشاب ملانے کا راز فاش

غازی آباد میں گھریلو ملازمہ کی ایک انتہائی گھناونی حرکت سامنے آئی ہے۔ جس پر کھانا پکانے میں پیشاب کا استعمال کرنے کا الزام ہے۔

غازی آباد: غازی آباد میں گھریلو ملازمہ کا کھانا پکانے میں پیشاب کا استعمال کرنے کا معاملہ سامنے آیا ہے۔ ملازمہ کی گھناونی حرکت کی وجہ سے متاثرہ خاندان کو صحت کی پریشانی ہوئی جس کے بعد پولیس نے مقدمہ درج کرکے تحقیقات شروع کردی ہے۔ متاثرہ نے اپنی شکایت میں بتایا کہ اس کی گھریلو ملازمہ گزشتہ آٹھ سال سے اس کے گھر پر کام کر رہی ہے۔

کیمرہ کی مدد سے غازی آباد میں ملازمہ کی جانب سے کھانے میں پیشاب ملانے کا راز فاش (Etv bharat)

یہ واقعہ اس وقت سامنے آیا جب متاثرہ نے اس کی ویڈیو ریکارڈنگ دیکھی۔ انہوں نے یہ بھی بتایا کہ اس گھر کے افراد گزشتہ چند ماہ سے جگر کے مرض میں مبتلا ہیں۔ انہیں شبہ ہے کہ گھریلو ملازمہ کافی عرصے سے ایسی حرکتیں کر رہی تھی۔ انہوں نے کہا کہ پولیس اس معاملے میں فوری کارروائی کرے اور جلد از جلد انصاف دلانے میں مدد کرے۔ گھریلو ملازمہ بھی غازی آباد کی رہنے والی ہے۔

کیمرہ کی مدد سے غازی آباد میں ملازمہ کی جانب سے کھانے میں پیشاب ملانے کا راز فاش (Etv bharat)

خاتون کی شکایت کا نوٹس لیتے ہوئے پولیس نے مقدمہ درج کرلیا۔ کراسنگ ریپبلک تھانے کی پولیس واقعہ کی تحقیقات کر رہی ہے۔ پولیس افسر مکیش کمار کے مطابق واقعہ کے سلسلے میں درج کرائی گئی شکایت اور دستیاب شواہد کی بنیاد پر کارروائی کی جا رہی ہے۔ واقعے کی ویڈیو سامنے آنے کے بعد اب لوگ گھریلو ملازموں کے تئیں محتاط ہو گئے ہیں۔ معاملے میں ملزم گھریلو ملازم سے پوچھ گچھ کی جا رہی ہے۔ پولیس نے کہا ہے کہ متاثرہ اور اس کے اہل خانہ کی صحت کی حالت کو مدنظر رکھتے ہوئے ضرورت پڑنے پر طبی معائنہ بھی کرایا جائے گا۔