نئی دہلی: آتشی نے دہلی کے وزیر اعلیٰ کے عہدے سے استعفیٰ دے دیا ہے۔ وہ آج اتوار کو تقریباً 11 بجے صبح راج بھون پہنچیں۔ انہوں نے لیفٹیننٹ گورنر ونے کمار سکسینہ سے ملاقات کی اور انہیں اپنا استعفیٰ پیش کیا۔ اس کے ساتھ ہی ایل جی نے اسمبلی کو تحلیل کرنے کا نوٹیفکیشن جاری کر دیا۔ اس نوٹیفکیشن کے ساتھ ہی نئی اسمبلی کی تشکیل کا راستہ صاف ہوگیا ہے۔ اب حکومت سازی کا عمل فوراً شروع ہو جائے گا۔
Hon’ble Lt Governor, Shri VK Saxena today recieved the resignation of Hon’ble CM, Ms Atishi. He asked her to continue in her position till the formation of the new government. pic.twitter.com/tHHBCMKL3E
— Raj Niwas Delhi 🇮🇳 (@RajNiwasDelhi) February 9, 2025
آتشی کے استعفے کے ساتھ ہی بی جے پی کے نومنتخب ممبران اسمبلی پرویش ورما، کیلاش گہلوت، ارویندر سنگھ لولی، راجکمار چوہان اور نیرج بسویا کی راج بھون پہنچے اور لیفٹیننٹ گورنر ونے کمار سکسینہ سے ملاقات کی۔ واضح رہے کہ بی جے پی رہنما پرویش ورما نے نئی دہلی اسمبلی سیٹ پر عام آدمی پارٹی کے سربراہ اروند کیجریوال کو شکست دے کر کامیابی حاصل کی ہے۔ اس وجہ سے وزیر اعلیٰ کے عہدے کے لیے ان کی دعویداری مضبوط مانی جا رہی ہے۔
Delhi LG dissolves 7th Legislative Assembly, paving way for next government formation by BJP
— ANI Digital (@ani_digital) February 9, 2025
Read @ANI Story | https://t.co/eItTyTUzn3 #Delhi #LegislativeAssembly #BJP pic.twitter.com/OJcbnFqRhN
جے پی نے حکومت بنانے کی تیاریاں شروع کر دی ہیں۔ پارٹی جلد ہی اپنی قانون ساز پارٹی کی میٹنگ بلائے گی اور وزیر اعلیٰ کے عہدے کے لیے امیدوار کا انتخاب کرے گی۔ اب سب کی نظریں لیفٹیننٹ گورنر پر ہیں، جو بی جے پی کو حکومت بنانے کی دعوت دیں گے۔
#WATCH | AAP leader Atishi leaves from Raj Niwas after submitting her resignation as Delhi CM
— ANI (@ANI) February 9, 2025
BJP emerged victorious in #DelhiAssemblyElection2025 yesterday after winning 48 out of 70 seats https://t.co/kWEioE5dXE pic.twitter.com/5If23VQMlq
یہ بھی پڑھیں: دہلی میں بی جے پی کی جیت کے دس اہم فیکٹر، عآپ بھرپور اقلیتی ووٹ ملنے کے باوجود کیوں ہار گئی؟
قابل ذکر ہے کہ اروند کیجریوال کے استعفیٰ کے بعد سابق وزیر اعلیٰ آتشی نے 21 ستمبر 2024 کو عہدے کا حلف لیا تھا۔ اس الیکشن میں دہلی کے عوام نے عام آدمی پارٹی کو اقتدار سے بے دخل کر دیا۔ اس بات عآپ کو صرف 22 سیٹیں ملی ہیں، جب کہ بی جے پی 48 سیٹوں کے ساتھ مکمل اکثریت کا ہندسہ عبور کر گئی ہے۔
مزید پڑھیں: زعفران جھاڑو نے قومی دارالحکومت سے آپ کو بے دخل کردیا
دہلی اسمبلی انتخابات 2025 میں کتنے مسلم امیدواروں نے جیت درج کی؟
دہلی کی 11 مسلم اکثریتی سیٹوں میں سے آٹھ پر عآپ کی جیت، تین پر بی جے پی کامیاب
