ممبئی:مہاراشٹر کانگریس کے انچارج رمیش چنیتھلا نے اعلان کیا ہے کہ کانگریس راہل گاندھی اور ملکارجن کھرگے کی موجودگی میں 20 اگست کو سابق وزیر اعظم راجیو گاندھی کے یوم پیدائش پر اسمبلی انتخابی مہم کا آغاز کرے گی۔
چنیتھلا نے کہا کہ راجیو گاندھی 20 اگست 1944 کو ممبئی میں پیدا ہوئے تھے۔ اس لئے ممبئی میں ان کی سالگرہ بڑے پیمانے پر منانے کا ارادہ ہے۔
مہاوکاس اگھاڑی کے اتحادی شرد پوار اور ادھو ٹھاکرے کو بھی اس میں شرکت کی دعوت دی گئی ہے۔ کل ممبئی میں کانگریس کے سینئر لیڈروں کی میٹنگ ہوئی۔ جس میں ریاستی صدر نانا پٹولے، پرتھوی راج چوہان، بالا صاحب تھوراٹ، نسیم خان اور دیگر کئی لیڈروں نے شرکت کی۔
میٹنگ میں اسمبلی انتخابات کی تیاریوں، سیٹوں کی تقسیم اور راجیو گاندھی کی یوم پیدائش کی تیاریوں پر تبادلہ خیال کیا گیا۔
چنیتھلا نے ان قیاس آرائیوں کو تقریباً ختم کر دیا کہ کانگریس مہاراشٹر میں اکیلے الیکشن لڑنے کی تیاری کر رہی ہے۔ انہوں نے کہا کہ ہم ریاست میں تبدیلی لانے کے لیے متحد ہو کر الیکشن لڑیں گے۔
ممبئی کانگریس کی صدر رکن پارلیمنٹ ورشا گائیکواڑ نے کہا کہ اسمبلی انتخابات میں حکمت عملی اور مسائل پر تبادلہ خیال کیا گیا۔
چنیتھلا نے 7 اگست کو ہونے والی مہاوکاس اگھاڑی کی میٹنگ سے پہلے کانگریس کی ریاستی اکائی کے ساتھ بات چیت کی۔ شیوسینا (یو بی ٹی) کے سربراہ ٹھاکرے اور این سی پی کے سربراہ شرد پوار کا، بدھ کو ہونے والے اجلاس میں شرکت کرنے کا امکان ہے۔
اس بار کانگریس، شیو سینا (ادھو بالا صاحب ٹھاکرے) اور نیشنلسٹ کانگریس پارٹی-شرد چندر پوار، ادھو ٹھاکرے نے ریاست کی 48 لوک سبھا سیٹوں میں سے 30 پر کامیابی حاصل کی۔ بھارتیہ جنتا پارٹی (بی جے پی) کو 2019 میں 23 سیٹیں ملی تھیں جو اس بار کم ہو کر 9 رہ گئیں۔
یہ بھی پڑھیں:
