چنئی: بنگلہ دیش کے خلاف 19 ستمبر سے شروع ہونے والے پہلے ٹیسٹ سے قبل ٹیم انڈیا میدان میں خوب پسینہ بہا رہی ہے۔ اس سیریز میں ایک بار پھر شائقین کی نظریں اسٹار بلے باز ویراٹ کوہلی پر مرکوز ہوں گی کیونکہ وہ کئی بڑے ریکارڈ اپنے نام کرنے کے قریب ہیں۔
چنئی ٹیسٹ شروع ہونے سے پہلے ہی ویراٹ کوہلی نے اپنت ارادے ظاہر کر دیئے ہیں۔ کیونکہ وہ پریکٹس سیشن میں کافی زیادہ وقت گزار رہے ہیں، اور اسی دوران انھوں نے ایک ایسا شاٹ بھی لگایا کہ چیپاک اسٹیڈیم کی دیوار ہی ٹوٹ گئی۔ اب اس شاٹ کا ویڈیو سوشل میڈیا پر بھی کافی زیادہ وائرل ہورہا ہے۔
واضح رہے کہ روہت شرما کی قیادت والی ٹیم اپنے ہوم سیزن کا آغاز بنگلہ دیش کے خلاف دو ٹیسٹ میچوں کی سیریز سے کرے گی، جس نے حال ہی میں پاکستان کو اپنے ملک میں خوفناک مناظر کے باوجود پاکستان میں 2-0 سے شکست دی تھی۔
قابل ذکر ہے کہ بنگلہ دیش نے اب تک بھارت میں کبھی ٹیسٹ سیریز نہیں جیت سکا ہے، لیکن پاکستان کو ان کے گھروں میں شکست دینے کے بعد ان کے حوصلے بلند ہیں اور وہ بھارت میں بھی تاریخ رقم کرنے کے لیے بے تاب ہوں گے۔