جنوبی افریقہ سیمی فائنل میں پہنچا، شریک میزبان ویسٹ انڈیز کو شکست - icc t20 world cup

ٹی ٹوئنٹی ورلڈ کپ 2024 کے سپر8 کے گروپ بی سے دو سیمی فائنلسٹ کا فیصلہ ہو گیا۔ پیر کو جنوبی افریقہ نے میزبان ویسٹ انڈیز کو شکست دے کر سیمی فائنل کے لیے کوالیفائی کر لیا۔ اس میچ میں تبریز شمسی کو شاندار بالنگ کے باعث میچ کا بہترین کھلاڑی قرار دیا گیا۔

بارباڈوس: سر ووین رچرڈس اسٹیڈیم میں کھیلے گئے سپر8 گروپ 2 کے بارش سے متاثر ایک اہم اور سنسنی خیز مقابلے میں جنوبی افریقہ نے شریک میزبان ویسٹ انڈیز کو ڈک ورتھ لوئس میتھڈ کے تحت تین وکٹوں سے شکست دے کر سیمی فائنل میں داخلہ حاصل کر لیا۔

ویسٹ انڈیز کے 135 رنوں کے ہدف کے تعاقب میں آنے والی جنوبی افریقہ کو پہلا جھٹکا 12 رنوں کے اسکور پر لگا۔ ریزا ہنریک دوسرے اوور میں اپنی پہلی گیند پر رسل کا شکار بنے۔ اس کے بعد افریقہ نے 2 اووروں میں 15 رن بنائے تھے جب بارش نے میچ میں خلل ڈالا اور اسے روکنا پڑا۔

اس کے بعد جب میچ شروع ہوا جنوبی افریقہ کو ڈک ورتھ لوئس میتھڈ کے تحت نیا دہف ملا۔ جنوبی افریقہ دوبارہ بیٹنگ کے لیے آیا تو اسے 90 گیندوں پر 108 رنز درکار تھے۔ جنوبی افریقہ نے ہدف کے تعاقب میں 6 وکٹ گنوا دیں۔ تاہم وکٹوں کے مسلسل گرنے سے ایک وقت میں ویسٹ انڈیز مضبوط پوزیشن میں تھا ۔ افریقہ کو 1ایک اوور میں 5 رنز درکار تھے، جانسن نے چھکا لگا کر میچ افریقہ کے جھولے میں ڈال دیا۔

جنوبی افریقہ کی جانب سے ٹرسٹن اسٹبس نے 27 گیندوں پر سب سے زیادہ 29 رن بنائے۔ اس کے علاوہ ہینرک کلاسن نے 10 گیندوں پر 22 اور ایڈن مارکرم نے 15 گیندوں پر 18 رنز بنائے، ڈیوڈ ملر نے 4 اور مارکو جانسن نے 21 رن ناٹ آؤٹ بنائے۔

اس سے قبل پہلے بیٹنگ کرنے اتری میزبان ٹیم ویسٹ انڈیز نے مقررہ 20 اووروں میں 8 وکٹوں کے نقصان پر 135 رن بنائے۔ جواب میں افریقہ نے بارش سے متاثر میچ میں 5 گیندیں باقی رہ کر 7 وکٹوں کے نقصان پر میچ جیت لیا۔ مارک جانسن نے وننگ چھکا لگا کر میچ جیت لیا۔ اس شکست کے ساتھ ہی ویسٹ انڈیز ورلڈ کپ سے باہر ہو گیا ہے۔

ویسٹ انڈیز کی جانب سے روسٹن چیز نے نصف سنچری اننگز کھیلی۔ انہوں نے 42 گیندوں میں 2 چھکوں اور 3 چوکوں کی مدد سے سب سے زیادہ 52 رن بنائے۔ اس کے بعد کیلے مائرز نے 34 گیندوں پر 35 رنز کی اننگز کھیلی جس میں 2 چھکے اور 3 چوکے شامل تھے۔ ان دونوں بلے بازوں کے علاوہ کوئی بھی نمایاں کارکردگی کا مظاہرہ نہ کر سکا۔ کپتان رومن پاول اور نکولس پوران 1، شائی ہوپ اور شیرفین ردرفورڈ 0 اور آندرے رسل 15 رنز بنا کر آؤٹ ہوئے۔

جنوبی افریقہ کی جانب سے تبریز شمسی نے سب سے زیادہ وکٹ حاصل کئے۔ شمسی نے 4 اوورز میں 27 رن دے کر 3 وکٹ حاصل کئے۔ جبکہ مارکو جانسن، ایڈن مارکرم، کیشو مہاراج اور کاگیسو ربادا نے ایک ایک وکٹ حاصل کیا۔ شمسی کو ان کی کارکردگی پر میچ کا بہترین کھلاڑی منتخب کیا گیا۔