شارجہ: افغانستان کے اسٹار اسپنر راشد خان نے 20 ستمبر کو شارجہ میں جنوبی افریقہ کے خلاف دو طرفہ ون ڈے سیریز کے دوسرے ون ڈے میں شاندار باؤلنگ کی۔ اسی دن راشد خان اپنا 26 واں سالگرہ منا رہے تھے۔ اس یادگار موقع پر انھوں نے میچ میں 5 وکٹیں حاصل کرکے ایک نیا ریکارڈ اپنے نام کرلیا۔
قابل ذکر ہے کہ راشد خان ون ڈے کرکٹ کی 53 سالہ تاریخ میں اپنی سالگرہ پر 5 وکٹیں لینے والے پہلے بولر بن گئے۔ اس سے قبل برتھ ڈے پر ون ڈے میں بہترین باؤلنگ کا اعزاز جنوبی افریقہ کے ورنن فلینڈر کے نام تھا جنہوں نے 2007 میں آئرلینڈ کے خلاف 12 رنز خرچ کرکے 4 وکٹیں حاصل کئے تھے۔
اس کے علاوہ افغانستان نے 177 رنز کی جیت درج کرکے ون ڈے کرکٹ میں اپنی سب سے بڑی جیت درج کرنے میں کامیاب رہا۔ اس سے قبل افغانستان نے زمبابوے کے خلاف 154 رنز کی بہترین جیت درج کی تھی۔ افغانستان نے اس سے قبل سیریز کا پہلا میچ جیتا تھا اور اب دوسرے میچ میں فتح نے اسے 3 میچوں کی سیریز میں 2-0 کی ناقابل تسخیر برتری حاصل کر لی ہے۔