ہرارے (زمبابوے):ہرارے اسپورٹس کمپلیکس میں کھیلے گئے چوتھے ٹی 20 انٹرنیشنل میچ میں ہندوستان زمبابوے کو 28 گیندیں باقی رہتے 10 وکٹوں سے شکست دے کر سیریر اپنے نام کرلی۔
ہندوستان نے زمبابوے کے 152 رنوں کے ہدف کے تعاقب میں ہندوستان کے سلامی بلے باز کپتان شبھمن گل اور یشسوی جیسوال نے جارحانہ انداز میں اننگ کی شروعات کی۔
یشسوی جیسوال نے53 گیندوں پر 13 چوکوں اور دو چھکوں کی مدد سے ناٹ آوٹ 93 رنوں کی شاندار اننگ کھیلی۔دوسری طرف کپتان شبھمن گل 39 گیندوں پر چھ چوکوں اور دو چھکوں کی مدد سے 58 رن بنا کر ناٹ آوٹ رہے۔ہندوستان نے بغیر کسی نقصان کے 15.2 اوورز میں مطلوبہ ہدف حاصل کرلیا۔
۔شبھمن اور یشسوی نے جارحانہ رخ اختیار کرکے زمبابوے کے گیندبازوں کو سیٹل ہونے کا موقع نہیں دے رہے ہیں۔ہندوستان کرکٹ ٹیم نے اس جیت کے ساتھ پانچ میچوں پر مشتمل ٹی20 سیریز 1۔3 سے اپنے نام کرلی۔
اس سے قبل زمبابوے کے سلامی بلے بازوں ویسلی مدویر25 اور تادھوانسے مارونرانی 32 نے پہلے وکٹ کے لئے 63 رنوں کی عمدہ شراکت داری کی۔کپتان سکندر رضا نے دو چکوں اور تین چھکوں کی مدد سے 46 رنوں کی جارحانہ اننگ کھیلی۔زمبابوے نے مقررہ 20 اوورز میں چھ وکٹوں کے نقصان 152 رن بنائے۔
یہ بھی پڑھیں:ورلڈ چمپئن آف لیجنڈز کے فائنل میں ہنوستان اور پاکستان مدمقابل
ہندوستان کی جانب سے خلیل احمد دو وکٹ لے کر سب سے کامیاب گیندباز ثابت ہوئے۔اس کے علاوہ تشار دیش پانڈے،واشنگٹن سندر اور ابھیشیک شرما کو ایک ایک وکٹ ملا۔