یوسن بولٹ بچپن سے ہی کرکٹ کے بڑے مداح تھے - Usain Bolt On ICC T20 WC

ICC T20 WC Ambassador Usain Bolt: عالمی شہرت یافتہ اسپرنٹر یوسین بولٹ کو ٹی ٹوئنٹی کرکٹ ورلڈ کپ کا برانڈ ایمبسڈر بنایا گیا ہے۔ وہ میگا ٹورنامنٹ کے تئیں پُرجوش ہیں۔ انہیں یقین کہ امریکہ میں کرکٹ کو مقبولیت حاصل ہوگی۔

جمیکا: آئی سی سی ٹی 20 ورلڈ کپ 2024 یکم جون سے شروع ہونے جا رہا ہے جس کی مشترکہ میزبانی امریکہ اور ویسٹ انڈیز کر رہے ہیں۔ جمیکا کے عالمی شہرت یافتہ اسپرنٹر یوسین بولٹ اس ورلڈ کپ میں اہم کردار میں نظر آنے والے ہیں۔

آٹھ مرتبہ کے اولمپک گولڈ میڈلسٹ یوسین بولٹ نے اپنے ساتھیوں کے ساتھ 100 میٹر، 200 میٹر اور 4x100 میٹر ریلے ریس میں بھی عالمی ریکارڈ بنائے ہیں۔ یوسن بولٹ کا کرکٹ سے گہرا لگاو ہے یہ بات پوری دنیا کو معلوم ہے۔

یوسین بولٹ آئی سی سی ٹی ٹوئنٹی ورلڈ کپ 2024 میں ایک مختلف کردار میں نظر آنے والے ہیں۔ جمیکا سے تعلق رکھنے والے اس اسٹار سپرنٹر کو ٹی ٹوئنٹی ورلڈ کپ 2024 کا سفیر بنایا گیا ہے۔ وہ امریکہ میں ٹی ٹوئنٹی ورلڈ کپ کا افتتاح کرتے نظر آئیں گے۔ اس ورلڈ کپ کا پہلا میچ امریکہ (امریکہ) اور کینیڈا کی ٹیموں کے درمیان کھیلا جا رہا ہے۔ اس میچ کے دوران یوسین بولٹ امریکہ کے گرینڈ پریری کرکٹ اسٹیڈیم میں موجود ہوں گے اور میچ کا افتتاح کریں گے۔

آئی سی سی نے یوسین بولٹ کو اس ٹورنامنٹ کا ایمبیسیڈر بنانے کی جانکاری اپنے ویب سائٹ پر دی تھی۔ اس دوران بولٹ کو نیویارک کے آئزن ہاور پارک انٹرنیشنل کرکٹ اسٹیڈیم میں دیکھا گیا۔ کرکٹ سے محبت کا اظہار کرتے ہوئے انہوں نے کہا کہ میں بچپن میں کرکٹ کھیل کر بڑا ہوا ہوں۔ میں فاسٹ بالر بننا چاہتا تھا۔ میرے والد بھی کرکٹ کے بہت بڑے مداح تھے۔

یوسن بولٹ نے کہاکہ بطور سفیر کرکٹ کا حصہ بننا میرے لیے ایک شاندار احساس ہے۔ اب مجھے بطور کرکٹر اپنا خواب پورا کرنے کا موقع ملے گا۔ جب ٹی ٹوئنٹی کرکٹ کا آغاز ہوا تو لوگوں کرکٹ کے مختصر فارمیٹ کو پسند کیا۔ہی ٹی 20 کرکٹ ٹیسٹ کرکٹ کی طرح مقبول ہو گیا۔

انہوں نے کہا کہ وہ بچپن میں سلطان آف سوئنگ وسیم اکرم کا مداح تھا۔ وسیم اکرم کی ان سوئنگ گیند کا دیوانہ تھے۔مجھے سچن تند ولکر اور برائن لارا بھی بہت پسند تھے۔ بولٹ موجودہ کرکٹرز میں وراٹ کوہلی کو پسند کرتے ہیں۔

آئی سی سی ٹی ٹوئنٹی ورلڈ کپ 2024 یکم سے 29 جون تک ہونے جا رہا ہے۔ اس بار ورلڈ کپ میں 20 ٹیمیں حصہ لینے جا رہی ہیں۔ ان تمام ٹیموں کو 5 گروپس میں رکھا گیا ہے۔ یہ ٹورنامنٹ 29 دن تک کھیلا جائے گا ۔امریکہ اور ویسٹ انڈیز میں ایک ساتھ مجموعی طور پر 55 میچ کھیلے جائیں گے۔ ہندوستانی ٹیم اپنا پہلا میچ 5 جون کو روہت شرما کی کپتانی میں آئرلینڈ کے ساتھ کھیلے گی ۔ دوسرے میچ میں ٹیم انڈیا کا مقابلہ 9 جون کو پاکستان سے ہوگا۔