حیدرآباد (نیوز ڈیسک): رائتہ چاہے کھیرے، بوندی، پودینہ، پھل یا کسی اور چیز کا ہو، یہ آپ کے کھانے میں غذائیت اور تازگی میں اضافہ کرتا ہے۔ لیکن اس کا صحیح امتزاج اور صحیح وقت پر کھانا بہت ضروری ہے۔ اس لیے اگلی بار جب آپ رائتہ بنائیں تو چند باتوں کو ذہن میں رکھیں اور اپنے کھانے کو اور مزیدار بنائیں۔
ہندوستانی کھانوں میں رائتہ کا نام آتے ہی دہی کا ٹھنڈا ذائقہ اور مسالوں کی مہک ذہن پر چھا جاتی ہے۔ یہ صرف ذائقے کے لیے ہی نہیں بلکہ صحت کے لیے بھی بہت فائدہ مند ہے۔ رائتہ ہر گھر میں مختلف طریقوں سے تیار کیا جاتا ہے۔ یہ کھانے کا ذائقہ بڑھانے کے ساتھ ساتھ یہ ہمارے ہاضمے کو بھی بہتر کرتا ہے۔ لیکن کیا آپ جانتے ہیں کہ رائتہ میں صحیح امتزاج آپ کی صحت کو بہتر بنا سکتا ہے اور غلط چیزوں کا امتزاج آپ کو نقصان پہنچا سکتا ہے؟
رائتہ کی آٹھ قسمیں اور ان کے فائدے
ماہرین غذائیت کا کہنا ہے کہ صحیح چیزوں کو ملا کر بنایا گیا رائتہ صحت کو کئی طرح سے فائدہ پہنچاتا ہے۔ رائتہ کی کچھ خاص قسمیں جو ہمارے ملک میں مشہور ہیں اور ان کے صحت کے فوائد درج ذیل ہیں۔
1- کھیرے کا رائتہ: کھیرے کا رائتہ گرمیوں میں جسم کو ٹھنڈا کرتا ہے، ہاضمے کو بہتر بناتا ہے اور ڈی ٹوکس کرنے میں مدد کرتا ہے۔
بنانے کا طریقہ: کھیرے کو پیس کر یا باریک کاٹ کر اس میں دہی، بھنا ہوا زیرہ پاؤڈر اور کالا نمک ملا دیں۔
2- پودینے کا رائتہ: پودینہ میں اینٹی آکسیڈنٹس پائے جاتے ہیں، جو مدافعتی نظام کو مضبوط بناتے ہیں۔ یہ معدے کی گیس اور تیزابیت کو کم کرتا ہے۔
بنانے کا طریقہ: پودینے کے پتوں کو پیس کر دہی میں ملائیں اور اوپر سے بھنا ہوا مسالہ ڈال دیں۔
3- بوندی کا رائتہ: یہ کھانے میں ہلکا اور ذائقے دار ہوتا ہے۔ اس میں کاربوہائیڈریٹ ہوتے ہیں، جو فوری توانائی فراہم کرتے ہیں۔
بنانے کا طریقہ: بوندی کو ہلکا بھگو کر دہی میں ملائیں اور تھوڑی سی مرچ پاؤڈر اور زیرہ ڈال دیں۔
4- پھل کا رائتہ: یہ بچوں اور بڑوں سبھی کے لیے غذائیت سے بھرپور ہوتا ہے۔ وٹامنز اور فائبر کی وافر مقدار اسے سپر فوڈ بنا دیتی ہے۔
بنانے کا طریقہ: کٹے ہوئے پھل (جیسے سیب، کیلا، انار وغیرہ) کو دہی میں ملائیں اور اوپر تھوڑی شہد ڈال دیں۔
5- لوکی کا رائتہ: لوکی کا رائتہ وزن کم کرنے میں مدد کرتا ہے اور ہاضمے کو ٹھیک رکھتا ہے۔
بنانے کا طریقہ: ابلی ہوئی لوکی کو پیس کر دہی میں مکس کریں اور اوپر سے مصالحہ ڈال دیں۔
6- چقندر کا رائتہ: چقندر آئرن، فائبر اور اینٹی آکسیڈنٹس سے بھرپور ہوتا ہے۔ یہ خون کی کمی کو دور کرتا ہے اور جلد میں نکھار پیدا کرتا ہے۔
بنانے کا طریقہ: ابلے ہوئے یا کچے چقندر کو پیس کر دہی میں ملا لیں اور اس میں کالا نمک، بھنا ہوا زیرہ اور ہرا دھنیا ڈالیں۔
7- آلو کا رائتہ: آلو کاربوہائیڈریٹس کا ایک اچھا ذریعہ ہے اور توانائی فراہم کرتا ہے۔ آلو کا رائتہ ایک بہترین غذا سمجھا جاتا ہے۔
بنانے کا طریقہ: ابلے ہوئے آلو کے چھوٹے چھوٹے ٹکڑے دہی میں ملائیں۔ پھر اوپر نمک، بھنا ہوا زیرہ اور کالی مرچ ڈال دیں۔
7- پالک کا رائتہ: پالک آئرن اور کیلشیم سے بھرپور ہوتی ہے۔ خون کی کمی کے مریضوں کے لیے بہت فائدہ مند ہے۔
بنانے کا طریقہ: باریک کٹی ہوئی پالک کو پیس کر دہی میں ملا کر مصالحے کے ساتھ پیش کریں۔
رائتہ استعمال کرتے وقت ان باتوں کا خیال رکھیں
ماہر غذائیت ڈاکٹر دیویا شرما بتاتی ہیں کہ کچھ ایسی چیزیں ہیں جو دہی یا رائتہ کے ساتھ کھانے سے صحت کے لیے نقصان دہ ہو سکتی ہیں۔ اس کے ساتھ مخصوص موسموں میں دہی یا رائتہ کے استعمال سے پرہیز کرنا بہتر ہے۔
رائتہ اور مچھلی کا مکسچر: رائتہ اور مچھلی کو ایک ساتھ کھانے سے پیٹ کے مسائل پیدا ہوتے ہیں۔
رائتہ اور کھٹے پھل: رائتہ کو کھٹے پھلوں (جیسے سنترے) کے ساتھ ملا کر کھانے سے معدے میں تیزابیت پیدا ہوسکتی ہے۔
رات کو رائتہ کم کھائیں: رائتہ ٹھنڈا ہوتا ہے۔ اس لیے اسے رات میں کھانے سے گلے اور سینے میں بلغم کے مسائل پیدا ہوسکتے ہیں۔
ماہرین کے مطابق اگر آپ رائتہ کا استعمال باقاعدگی سے کرتے ہیں تو چند باتوں کا خیال رکھنا فائدہ مند ہو سکتا ہے۔
رائتہ کھانے کا صحیح طریقہ
ہمیشہ تازہ رائتہ استعمال کریں۔
رائتہ کھانے کے ساتھ کھائیں۔
رائتہ میں زیادہ تلی چیزیں یا زیادہ مسالے ڈالنے سے بچیں۔
(ڈسکلیمر: یہاں دی گئی جانکاری اور تجاویز پر عمل کرنے سے قبل اپنے ذاتی معالج سے مشورہ لینا بہتر ہے۔)
یہ بھی پڑھیں: سردیوں میں گرم دودھ کے ساتھ ضرور کھائیں کھجور، فائدے جان کر حیران ہو جائیں گے
روٹی بناتے وقت یہ احتیاط ضرور کریں، ورنہ یہ صحت کو بڑا نقصان پہنچا سکتی ہے
روزانہ اخروٹ کھانے سے دل کی بیماریوں کا خطرہ کم ہوسکتا ہے: تحقیق
