میرواعظ نے علامہ اقبال کی برسی پر خراجِ عقیدت پیش کیا - Mirwaiz paid homage to Allama Iqbal

شاعر مشرق علامہ اقبال 22 اپریل 1938 کو ہمیشہ کے لیے اس دنیا سے الوداع کہہ گیے۔ علامہ اقبال کے یوم وصال کے موقع پر میرواعظ نے خراج عقیدت پیش کرتے ہوئے کہا کہ علامہ اقبال کے پیام کا خلاصہ خدا اعتمادی اور خود اعتمادی پر مبنی ہے، جس میں انسان دوستی، محبت، رواداری اور انسانی قدروں کو نمایاں کیا گیا ہے۔

سرینگر: شاعر مشرق علامہ ڈاکٹر اقبال کے 86ویں یوم وصال کے موقع پر میرواعظ نے خراج عقیدت پیش کیا ہے۔ میرواعظ مولوی محمد عمر فاروق نے اپنے پیغام میں کہا کہ علامہ اقبال کا کلام جو قرآن حکیم کی ہی فلسفیانہ تشریح ہے، نہ صرف برصغیر بلکہ پوری دنیا کے لیے ایک بے مثال لافانی اور انمول سرمایہ ہے۔

انہوں نے مزید کہا کہ علامہ اقبال کے پیام کا خلاصہ خدا اعتمادی اور خود اعتمادی پر مبنی ہے، جس میں انسان دوستی، محبت، رواداری اور انسانی قدروں کو نمایاں کیا گیا ہے۔

قابل ذکر ہو کہ شاعرِ مشرق کے نام سے مشہور ڈاکٹر علامہ اقبال نے اپنی شاعری کے ذریعہ دنیائے اردو میں ایسا انقلاب برپا کیا اور ایسی روح پھونکی جسے محبان اردو کبھی فراموش نہیں کر سکتے۔ علامہ اقبالؒ کے برسی پر ملک بھر میں شاعری اور ان کے فکروفن پر مختلف تقاریب کا اہتمام کیا جاتا ہے اور علامہ اقبالؒ کو خراج عقیدت پیش کیا جاتا ہے۔

اردو، جنوبی ایشیا کی ایک اہم اور بڑی زبان ہے۔ یہ بھارت کی اٹھارہ قومی زبانوں میں سے ایک ہے۔ یہ پاکستان کی سرکاری زبان ہے حالانکہ اس زبان پر عربی و فارسی کے اثرات ہیں لیکن عربی و فارسی کے برعکس یہ ہندی کی طرح ایک ہند آریائی زبان ہے، جو برصغیر ہند میں پیدا ہوئی اور یہیں پلی بڑھی اور پروان چڑھی۔

اردو اور فارسی میں شاعری علامہ اقبال کی بنیادی وجہ شہرت ہے۔ انہوں نے پاکستان کا تصور پیش کر کے اپنی شاعری سے برصغیر کے مسلمانوں میں جینے کی ایک نئی امید پیدا کی۔ مسلمانان ہند کے لیے الگ وطن کا خواب دیکھنے والے اقبال قیامِ پاکستان سے پہلے ہی چل بسے۔ ان کا انتقال 21 اپریل 1938 کو ہوا۔