غزہ: غزہ میں حکومتی میڈیا آفس کی طرف سے جاری کردہ تحریری بیان میں کہا گیا ہے کہ القرآن ریڈیو کے ڈائریکٹر زید ابو زید جن کے گھر پر اسرائیلی فوج نے غزہ کے وسطی علاقوں میں واقع نصرت پناہ گزین کیمپ میں بمباری کرکے ہلاک کردیا تھا۔ بتایا گیا کہ صحافی یاسر میمدوح جو کنعان میڈیا ایجنسی کے لیے کام کرتے تھے اسے اسرائیلی نشانہ بازوں نے گولیاں ماری تھیں۔
یہ بھی انکشاف ہوا ہے کہ ساحل میڈیا نیٹ ورک کے فوٹو جرنلسٹ کے طور پر کام کرنے والے محمد رسلان شنیورا اور ایڈیٹر محمود مشتحہ کو تقریباً دو ماہ قبل غزہ شہر کے تل الہیوا علاقے میں قتل کر دیا گیا تھا۔
خیال رہے کہ 7 اکتوبر سے غزہ پر اسرائیل کے حملوں میں ہلاک ہونے والے صحافیوں کی تعداد 130 ہو گئی ہے۔ میڈیا آفس کی طرف سے دیے گئے پچھلے بیان میں کہا گیا تھا کہ اسرائیل نے جان بوجھ کر غزہ میں صحافیوں کو قتل کیا تاکہ "فلسطین کی آواز کو خاموش کرایا جائے، حقائق کو چھپا دیا جائے اور خبروں اور معلومات کو علاقائی اور بین الاقوامی عوام تک پہنچنے سے روکا جا سکے۔
قابل ذکر ہے کہ غزہ کی پٹی پر اسرائیل کے حملوں میں اب تک کم از کم 12 ہزار 300 بچوں اور 8 ہزار 400 خواتین سمیت 28 ہزار 663 فلسطینی جاں بحق اور 68 ہزار 395 افراد زخمی ہوچکے ہیں۔ (یو این آئی)
یہ بھی پڑھیں:اسرائیلی فوج نے جنوبی غزہ کے مرکزی النصراسپتال پر دھاوا بول دیا
