اترپردیش میں سرکاری ڈاکٹروں کی طبی قابلیت بڑھانے کے لیے یوٹیوب کا استعمال - YouTube for govt doctors

ریاست اترپردیش میں محکمہ صحت کی جانب سے ریاست کے دور دراز علاقوں میں تعینات سرکاری ڈاکٹرز کی طبی تعلیم اور ان کی قابلیت بڑھانے کے لئے یوٹیوب کا استعمال کیا جارہا ہے۔

نئی دہلی: اتر پردیش کا محکمہ صحت دور دراز علاقوں میں تعینات سرکاری ڈاکٹروں کی مسلسل طبی تعلیم اور قابلیت کو بڑھانے کے لیے یوٹیوب کا استعمال کر رہا ہے۔ میڈیکل ہیلتھ اینڈ فیملی ویلفیئر کے پرنسپل سکریٹری پارتھا سارتھی سین شرما نے کہا کہ ایک یوٹیوب چینل "شکروار کی شام، ڈاکٹروں کے نام" شروع کیا گیا ہے جہاں ماہر ڈاکٹر ہر جمعہ کو شام 6 بجے ڈیمو-کم-پی پی ٹی پریزنٹیشن دیتے ہیں۔

سین شرما نے پی ٹی آئی سے بات کرتے ہوئے بتایا کہ "جبکہ سینکڑوں ڈاکٹر ان کے ساتھ لائیو شامل ہوتے ہیں، بہت سے لوگ بعد میں ایپیسوڈ دیکھتے ہیں۔" 15 سے زیادہ اقساط پہلے ہی نشر ہو چکے ہیں جن کو ہزاروں ڈاکٹرز دیکھ چکے ہیں۔ عنوانات کو سرکاری ڈاکٹروں میں موجود خلا کو پورا کرنے کے لیے احتیاط سے منتخب کیا گیا ہے۔ جیسے کہ سینے میں شدید درد، ذیابیطس، ہائی بلڈ پریشر، ایکنی اور جلد کی دیگر بیماریوں سے نمٹنا، دائمی رکاوٹ پلمونری بیماری (COPD) وغیرہ۔

سین شرما نے مزید کہا کہ ڈیجیٹل کنیکٹیویٹی کی طاقت کو استعمال کیا جارہا ہے تاکہ مہارتوں کو بڑھانے کے ساتھ ساتھ صوبائی شہروں میں کام کرنے والے ڈاکٹروں کی حوصلہ افزائی ہو تاکہ صحت کی خدمات کی فراہمی کو بہتر بنایا جا سکے"۔