ریلوے نے ٹکٹ بکنگ کے سلسلے میں بڑی تبدیلی کر دی

ریلوے نے ٹکٹوں کی ایڈوانس بکنگ سے متعلق ایک بڑا بدلاؤ کر دیا ہے۔ پہلے ٹکٹ کو چار مہینے قبل بُک کیا جا سکتا تھا۔

نئی دہلی: ریلوے ٹکٹوں کے لیے پیشگی بکنگ کی مدت 120 دن سے کم کر کے 60 دن کر دی گئی ہے، یہ نئی تبدیلی یکم نومبر سے لاگو ہو گی۔

بھارتیہ ریلوے نے اپنے پیشگی ٹرین ٹکٹ بکنگ کے قوانین میں تبدیلی کی ہے۔ ذرائع نے ٹی او آئی کو بتایا کہ مسافر اب آئی آر سی ٹی سی ٹرین کے ٹکٹوں کو ٹرین کی روانگی سے صرف 60 دن پہلے ہی بک کر سکیں گے، جبکہ فی الحال ایڈوانس بکنگ کی مدت 120 دن ہے۔ ذرائع نے ٹی او آئی کو بتایا کہ بھارتیہ ریلوے کی یہ نئی تبدیلی یکم نومبر 2024 سے نافذ ہوگی۔

یہ نوٹ کرنا ضروری ہے کہ ایڈوانس ٹرین ٹکٹ بکنگ کے نئے قوانین کا پہلے سے بک کرائے گئے ٹکٹوں پر کوئی اثر نہیں پڑے گا۔ ذرائع کا کہنا ہے کہ تبدیلیاں اس بات کو مدنظر رکھتے ہوئے کی گئی ہیں کہ لوگ پہلے سے ٹکٹ بک کرواسکیں اور اپنے سفر کی منصوبہ بندی کرسکیں تاہم ٹرینوں کی منسوخی کی صورت میں مسافروں کو پریشانی کا سامنا کرنا پڑتا ہے۔