اروناچل پردیش میں کانگریس کے دو ارکان اسمبلی بی جے پی میں شامل

لوک سبھا انتخابات 2024 سے پہلے بھارتیہ جنتا پارٹی میں کانگریس لیڈروں کی شمولیت کا سلسلہ جاری ہے۔ مہاراشٹر کے سابق وزیر اعلی اور کانگریس ایم ایل اے اشوک چوہان کے بعد اروناچل پردیش کے دو ارکان اسمبلی بی جے پی میں شامل ہو گئے۔

ایٹا نگر: لوک سبھا انتخابات 2024 سے پہلے پارٹی بدلنے کا عمل شروع ہو گیا ہے۔ کانگریس کے علاوہ دیگر پارٹیوں کے لیڈر بھارتیہ جنتا پارٹی میں شامل ہو رہے ہیں۔ تازہ ترین معاملہ اروناچل پردیش سے سامنے آیا ہے۔ اطلاعات کے مطابق کانگریس پارٹی اور نیشنل پیپلز پارٹی (این پی پی) کے دو ایم ایل اے پارٹی چھوڑ کر بی جے پی میں شامل ہو گئے ہیں۔

کانگریس کے رکن اسمبلی نینونگ ایرنگ اور وانگلن لوانگ ڈونگ بی جے پی میں شامل ہو گئے ہیں۔ اس کے ساتھ ہی این پی پی کے مچھو مٹھی اور گوکر بسر بھی بی جے پی میں شامل ہو گئے ہیں ۔ یہ ایم ایل اے اروناچل پردیش کے وزیر اعلی پیما کھانڈو کی موجودگی میں یہ دونوں بی جے پی میں شامل ہوئے ہیں۔ کھانڈو نے یہ معلومات سوشل میڈیا پلیٹ فارم 'ایکس' پر شیئر کرتے ہوئے لکھا کہ کانگریس ایم ایل اے نینونگ ایرنگ اور وانگلن لوانگ ڈونگ اور این پی پی کے 2 ایم ایل اے مُچو میتھی اور گوکر بسر کا بی جے پی میں خیرمقدم کیا گیا۔

اس سے پہلے مہاراشٹر کے سابق وزیر اعلی اور کانگریس ایم ایل اے اشوک چوہان بھی بی جے پی میں شامل ہو گئے تھے۔ پیما کھانڈو نے کہا کہ اس الیکشن میں صرف بی جے پی جیتے گی۔ انہوں نے کہا کہ ان ارکان اسمبلی کی پارٹی میں شمولیت سے یہ ظاہر ہوتا ہے کہ انہیں پی ایم مودی کی گڈ گورننس پر پختہ یقین ہے۔ کھانڈو نے کہا کہ پی ایم مودی ہمیشہ کہتے ہیں کہ سب ہمارے ساتھ ہیں۔ سب کا ساتھ، سب کا وکاس اور سب کا وشواس ہمارا اصول ہے۔ ہماری پارٹی ہمیشہ اسی اصول پر کام کرے گی۔ انہوں نے کہا کہ ریاست میں بھارتیہ جنتا پارٹی کی حمایت کی بنیاد مسلسل بڑھ رہی ہے اور مضبوط بھی ہو رہی ہے۔

اس موقع پر آسام لوک سبھا کے انچارج اور وزیر اشوک سنگھل بھی کھنڈو کے ساتھ موجود تھے۔