نیویارک: واشنگٹن ڈی سی میں مقیم ڈائیسپورا گروپ انڈین امریکن مسلم کونسل (IAMC) اور شکاگو میں قائم ری تھنک (ReThink ) میڈیا نے ایک سروے کیا ہے جس میں یہ بات سامنے آئی ہے کہ، ہندوستانی نژاد امریکی مسلمانوں پر ہندو قوم پرستی کے نقصان دہ اثرات مرتب ہو رہے ہیں۔
رپورٹ میں دعویٰ کیا گیا ہے کہ ریاستہائے متحدہ امریکہ میں ہندوستانی باشندوں کے اندر ہندو قوم پرستی کے عروج اور ہندوستانی امریکی مسلمانوں پر اس کے گہرے اثرات کے حوالے سے خطرناک رجحانات موجود ہیں۔
سروے میں 950 ہندوستانی نژاد امریکی مسلمانوں سے رائے شماری کی گئی۔ اس کا مقصد اس بات کا جامع نظر لیا جانا تھا کہ، بھارت کے وزیر اعظم نریندر مودی اور ان کی بھارتیہ جنتا پارٹی (بی جے پی) کے عروج کے بعد کس "سماجی، پیشہ ورانہ اور ڈیجیٹل تعاملات تبدیل ہو رہے ہیں۔ 80 فیصد سے زیادہ جواب دہندگان نے کہا کہ "انھوں نے مودی کے اقتدار میں آنے کے بعد گزشتہ دہائی کے دوران ہندو دوستوں یا سماجی رابطوں سے اسلام فوبک ہراسانی، امتیازی سلوک، یا تعصب کا سامنا کیا ہے۔"
سروے کے مطابق، 70 فیصد جواب دہندگان نے ہندو ساتھیوں کی طرف سے متعصبانہ سلوک کا تجربہ کیا، جس میں کام کی جگہ پر ترقیوں اور مسلم مخالف تبصروں سے گزرنا بھی شامل ہے۔ 48 فیصد جواب دہندگان نے فیس بک، واٹس ایپ اور لنکڈ ان پر ہراساں کیے جانے اور امتیازی سلوک کا سامنا کرنے کی بات کہی۔ جواب دہندگان نے ان تجربات کو جذباتی طور پر تھکا دینے والے، اور تنہائی اور دشمنی کے جذبات میں حصہ قرار دیا۔ 90 فیصد جواب دہندگان نے اتفاق کیا جن میں سے 73 فیصد نے سختی سے کہا کہ ہندو قوم پرستی امریکہ میں مسلمانوں کے لیے خطرہ ہے، اور 86 فیصد نے اتفاق کیا کہ ہندو قوم پرستی امریکہ میں جمہوریت کے لیے خطرہ ہے۔
انڈین امریکن مسلم کونسل سروے رپورٹ کے مطابق، ہندوستان میں ہندو قوم پرستی کا عروج براہ راست ہندوستانی نژاد امریکی باشندوں کے اندر اسلامو فوبیا کو بڑھاوا دے رہا ہے، انہوں نے مزید کہا کہ، "ہندو قوم پرستی امریکہ میں عدم برداشت کے ماحول کو فروغ دے رہی ہے جو ہندوستان میں اور ڈائس پورہ کمیونٹی دونوں میں جمہوری اقدار کو فعال طور پر کمزور کرتی ہے۔
سروے رپورٹ میں مزید کہا گیا ہے کہ، سوشل میڈیا پلیٹ فارمز کو ہندوستانی نژاد امریکی مسلم کمیونٹی کے خلاف ہتھیار بنایا گیا ہے، جس نے بین الاقوامی ٹیک پلیٹ فارمز پر اسلامو فوبک پوسٹس اور گروپس سے بے چینی، خوف اور تنہائی کے تجربات کی بڑی حد تک اطلاع دی ہے۔ رپورٹ کے مطابق، ہندو قوم پرستی کے سیاسی نظریے کے ہندو مذہب کے ساتھ ملاپ نے، خطرناک طور پر بالادستی کی تحریک کو امریکی ثقافتی اور ترقی پسند جگہوں میں گھسنے کی اجازت دی ہے، اور ہندوستانی امریکیوں کو مزید تنہا کر دیا ہے۔
اس سروے میں نیو جرسی، نیویارک، ٹیکساس اور کیلی فورنیا میں مقیم ہندوستانی نژاد امریکی مسلمانوں سے رائے لی گئی ہے۔ کیونکہ ان ممالک میں ہندوستانی نژاد امریکی مسلمانوں کی زیادہ آبادی ہے۔
یہ بھی پڑھیں:
