جبل پور: وزیر اعظم نریندر مودی اتوار کو ایک میگا روڈ شو کے لیے جبل پور پہنچے۔ اس دوران ایئرپورٹ پر ان کی ملاقات ڈاکٹر کیپٹن ایم سی داور سے ہوئی جنہیں غریبوں کا مسیحا کہا جاتا ہے۔ حال ہی میں ڈاکٹر داور کو حکومت ہند نے پدم شری سے بھی نوازا تھا۔ ڈاکٹر داور جبل پور کے ایک معروف ڈاکٹر ہیں اور صرف 20 روپے کی فیس میں غریبوں کا علاج کرتے ہیں۔ ایک زمانے میں وہ صرف 2 روپے چارج کرتے تھے۔ ڈاکٹر داور کے اس خدمت کے جذبے کی وجہ سے حکومت ہند نے انہیں پدم شری سے نوازا۔
پی ایم مودی نے اپنے سوشل میڈیا اکاؤنٹ پر ڈاکٹر داور کے ساتھ ایک تصویر شیئر کی غریبوں کے علاج کے لیے ان کی کوششوں کو جبل پور اور آس پاس کے علاقوں کے بہت سے لوگوں نے سراہا ہے۔
ڈاکٹر داور کو حال ہی میں حکومت ہند نے پدم شری سے نوازا تھا۔ دراصل ڈاکٹر داور جبل پور میں ایک طویل عرصے سے صرف 20 روپے لے کر غریبوں کا علاج کر رہے ہیں۔ انہوں نے صرف 2 روپے لے کر غریبوں کا علاج شروع کیا اور اب مہنگائی کے اس دور میں بھی صرف 20 روپے لے کر بہتر علاج کر رہے ہیں۔ ڈاکٹر ایم سی داور فوج میں کیپٹن رہ چکے ہیں اور ریٹائرمنٹ کے بعد سے غریبوں کی خدمت کر رہے ہیں۔
1946 میں پیدا ہونے والے ڈاکٹر ایم سی داور نے جبل پور سے ایم بی بی ایس کی تعلیم حاصل کی۔ اس کے بعد وہ فوج میں شامل ہو گئے۔ 1986 سے وہ علاج کے لیے آنے والے مریضوں سے صرف 2 روپے لیتے تھے اور یہ سلسلہ کئی دہائیوں تک جاری رہا۔ فوج سے ریٹائرمنٹ کے بعد انہوں نے اپنا سارا وقت غریبوں کے علاج میں صرف کرنا شروع کر دیا۔
وزیر اعظم نریندر مودی سے پہلے بھارتیہ جنتا پارٹی کے قومی صدر جے پی نڈا نے بھی ڈاکٹر داور سے ملاقات کی تھی۔ دراصل ڈاکٹر داور کا کلینک جبل پور کے مدن محل علاقے میں ہے۔ حال ہی میں جب بھارتیہ جنتا پارٹی کے قومی صدر جے پی نڈا جبل پور پہنچے تھے تو وہ ڈاکٹر کیپٹن ایم سی داور کے گھر گئے تھے اور ان سے ملاقات کی تھی۔
مزید پڑھیں:پدم شری ایوارڈ یافتہ غلام محمد میر بی جے پی میں شامل
ڈاکٹر داوڑ نہایت سادہ طبیعت کے مالک ہیں اور طب کے شعبے میں ایک جانا پہچانا نام ہیں۔ 20 روپے میں علاج کرانے کے ساتھ ساتھ غریبوں کو مہنگی ادویات بھی کم قیمت پر فراہم کرتے ہیں۔ یہی وجہ ہے کہ عام آدمی سے لے کر خاص تک ہر کوئی ان پر بھروسہ کرتا ہے۔ اس عمر میں وہ جسمانی طور پر کمزور ہو چکے ہیں، اس لیے وہ وہیل چیئر پر وزیر اعظم نریندر مودی سے ملنے جبل پور کے دومنا ہوائی اڈے پہنچے۔
