اترپردیش میں دو مال گاڑی میں ٹکر، دونوں لوکو پائلٹ شدید زخمی

اترپردیش کے فتح پور میں ایک مال گاڑی ریڈ سگنل پر کھڑی تھی، پیچھے سے ایک اور تیز رفتار مال گاڑی نے اسے ٹکر ماری۔

فتح پور: اترپردیش کے فتح پور میں دو مال گاڑیوں کی آپس میں ٹکر ہوگئی۔ حادثہ منگل کی صبح تقریباً آٹھ بجے پیش آیا۔ تصادم اتنا شدید تھا کہ انجن کے ساتھ گارڈ کا ڈبہ بھی پٹری سے اتر گیا۔ جس ٹریک پر حادثہ پیش آیا اس پر صرف مال ٹرینیں چلتی ہیں۔ حادثے میں دونوں مال گاڑیوں کے لوکو پائلٹ شدید طور سے زخمی ہوگئے۔ انہیں اسپتال میں داخل کرایا گیا ہے۔ ریلوے کے اعلیٰ حکام جائے وقوع پر جانچ میں مصروف ہیں۔

#WATCH | Fatehpur, Uttar Pradesh: A goods train standing near Pambhipur in Fatehpur was hit by another goods train from behind. The guard coach and the engine derailed. The up line was disrupted due to this accident. Two railway officials including the driver suffered minor… pic.twitter.com/dBtS06f3hc

— ANI (@ANI) February 4, 2025

پورا واقعہ

کانپور-فتح پور کے درمیان کھاگا کے قریب پمبھی پور میں صبح کے وقت وزارتِ ریل کے تحت ایک کمپنی ڈی ایف سی سی آئی ایل (ڈیڈیکیٹڈ فریٹ کوریڈور کارپوریشن آف انڈیا لمیٹڈ) کے بنائے ہوئے ٹریک پر ایک مال ٹرین کھڑی تھی۔ سگنل لال تھا۔ اس دوران تیز رفتاری سے پیچھے سے آنے والی ایک اور مال گاڑی نے اسے ٹکر مار دی۔ تصادم اتنا شدید تھا کہ کھڑی مال گاڑی کا انجن اور گارڈ کوچ پٹری سے اتر کر ریلوے لائن کے کنارے پر جا پہنچا۔

جس ٹریک پر یہ حادثہ پیش آیا اس پر صرف مال گاڑیاں چلتی ہیں جس کی وجہ سے مسافر ٹرینوں پر حادثے کا کوئی اثر نہیں ہوا۔ حادثے میں دونوں مال گاڑیوں کے لوکو پائلٹ شدید زخمی ہو گئے۔ انہیں تشویشناک حالت میں ہسپتال لے جایا گیا۔ دونوں قریبی سرکاری اسپتال میں زیر علاج ہیں۔ ریلوے کے کئی اعلیٰ افسران نے موقعے پر پہنچ کر واقعے کی جانچ کر رہے ہیں۔

حادثے کی وجہ سے کمرشل کوریڈور پر ریل کی آمدورفت متاثر ہوئی۔ کئی مال گاڑیوں کو روک دیا گیا ہے۔ کچھ کے راستے تبدیل کر دیے گئے۔ ریلوے انتظامیہ کے افسران نے معاملے کی جانچ شروع کر دی ہے۔ حادثہ کیسے اور کن حالات میں پیش آیا اس کی جانچ جاری ہے۔