پلناڈّو: ضلع میں آدھی رات کو ایک خوفناک سڑک حادثہ پیش آیا۔ اس حادثے میں 6 افراد کی موت ہو گئی جبکہ 20 افراد زخمی ہو گئے۔ اس حادثہ میں ٹرک اور بس کے درمیان زبردست تصادم ہوا۔ حادثے کے بعد دونوں گاڑیوں میں آگ لگ گئی۔ بتایا جا رہا ہے کہ آگ میں جھلسنے سے بس میں سوار مسافروں میں سے 6 افراد کی موت ہو گئی۔ پولیس واقعے کی تحقیقات کر رہی ہے۔
جانکاری کے مطابق اروند پرائیویٹ ٹریولس کی بس 40 مسافروں کو لے کر منگل کی رات باپٹلا ضلع کے چنگنجم سے پارچور اور چلکلوری پیٹ کے راستے حیدرآباد کے لیے روانہ ہوئی۔ چنگنجم، گوناسا پُڑی اور نیلئے پالیم کے بہت سے لوگ سفر کر رہے تھے۔ یہ سبھی عام انتخابات میں ووٹ ڈالنے کے بعد حیدرآباد واپس جا رہے تھے۔ کل رات تقریباً 1.30 بجے بجری سے لدا ایک تیز رفتار ٹرک اچانک بس سے ٹکرا گیا۔ اس وقت بس پلناڈو ضلع کے چِلکالوریپیٹ منڈل کے انامبتلاواریپلیم اور پسومارو گاؤں کے درمیان ای اوریواری پلیم روڈ پر جا رہی تھی کہ اچانک ٹرک سے ٹکرا گئی۔ تصادم کے بعد ٹرک میں آگ لگ گئی اور پھر تیز رفتاری کے باعث بس میں بھی آگ لگ گئی۔
جس کی وجہ سے جائے وقوعہ پر کہرام مچ گیا۔ اس دوران ٹریولز بس ڈرائیور اور دیگر چار افراد حادثے کے چند ہی لمحوں میں جل کر ہلاک ہو گئے۔ مزید 20 افراد شدید زخمی ہو گئے ہیں۔ مقامی لوگوں نے ایمبولینس کو بلایا۔