آگرہ لکھنؤ ایکسپریس وے پر سڑک حادثہ، پانچ افراد ہلاک، 15 لوگ زخمی

فیروز آباد میں آگرہ لکھنؤ ایکسپریس وے پر بس اور ٹرک کیے تصادم کی وجہ میں پانچ افراد ہلاک ہو گئے۔

فیروز آباد: آگرہ لکھنؤ ایکسپریس وے پر جمعہ کی دیر رات سڑک حادثے میں پانچ لوگوں کی موت ہو گئی۔ جب کہ متعدد افراد زخمی ہیں۔ انہیں شکوہ آباد کے جوائنٹ اسپتال میں داخل کرایا گیا ہے۔ حادثے کا شکار ہونے والے لکھنؤ کے رہنے والے ہیں۔ وہ متھرا سے اپنے چار سالہ بیٹے کا منڈن کروا کر واپس آرہے تھے۔ بس راستے میں ٹرک سے ٹکرا گئی۔

یہ حادثہ آگرہ لکھنؤ ایکسپریس وے پر فیروز آباد ضلع کی سرحد میں واقع ناصر پور تھانہ علاقے میں پیش آیا۔ لکھنؤ میں محی الدین پور کے رہنے والے سندیپ کے اہل خانہ اور رشتہ دار سندیپ کے چار سالہ بیٹے سدھارتھ کے منڈن کی رسومات اور درشن کرنے کے لیے جمعہ کو ایک نجی بس میں متھرا کے ورنداون گئے تھے۔ رات گئے منڈن کروا کر سب لوٹ رہے تھے۔ اسی دوران ان کی بس ضلع فیروز آباد کی سرحد پر ایکسپریس وے پر آگے کھڑے ٹرک سے ٹکرا گئی۔ حادثہ کافی اندوہناک تھا۔ لوگوں کی چیخ و پکار سن کر کسی نے پولیس کنٹرول روم کو واقعہ کی اطلاع دی۔

اطلاع ملتے ہی ہائی وے کی ٹیم اور مقامی پولیس موقعے پر پہنچی اور بس میں پھنسے لوگوں کو نکال کر علاج کے لیے شکوہ آباد کے جوائنٹ اسپتال بھیج دیا۔ یہاں ڈاکٹروں نے پانچ لوگوں کو مردہ قرار دیا۔ دیگر افراد کا علاج جاری ہے۔

دیہی کے ایڈیشنل سپرنٹنڈنٹ پولیس اکھلیش بھدوریا نے بتایا کہ اس حادثے میں پانچ لوگوں کی موت ہو گئی۔ سبھی متھرا سے بس سے واپس آرہے تھے۔ بس خراب کھڑی ٹرک سے ٹکرا گئی۔ اس میں بس ڈرائیور کی لاپرواہی سامنے آئی ہے۔ حادثے کی وجہ ڈرائیور کا سونا بتایا جا رہا ہے۔

اس حادثے میں سندیپ اور بٹنا دیوی کی موت ہو گئی ہے۔ دیگر تین ہلاک شدگان کی شناخت ہونی باقی ہے۔ زخمیوں کی شناخت نیتا، لوشیکھا، نائٹک، ہریتک، کارتک، پرانشو، سجین، گیتا، سشیل، ششی دیوی، چمچم، ساوتری دیوی، آروہی، ریا، پونم، پھول متی، ساریکا، روبی کے طور پر کی گئی ہے۔