منیش سسودیا کو راؤس ایونیو کورٹ سے راحت نہیں ملی - Delhi Excise Policy Scam

Manish Sisodia Judicial Custody Extended دہلی کے نائب وزیر اعلی منیش سسودیا کو آج راؤس ایونیو کورٹ سے کوئی راحت نہیں ملی۔ ان کی عدالتی تحویل میں 30 مئی 2024 تک توسیع کر دی گئی ہے۔ اس بار وہ لوک سبھا انتخابات میں اپنا ووٹ نہیں ڈال سکیں گے۔ کیونکہ وہ دہلی میں ووٹنگ کے وقت جیل میں ہوں گے۔

نئی دہلی:دہلی کے نائب وزیر اعلی منیش سسودیا کو ایک بار پھر دھچکا لگا ہے۔ آج بھی انہیں عدالت سے راحت نہیں ملی۔ دہلی کی راؤس ایونیو کورٹ نے ان کی عدالتی حراست میں 30 مئی تک توسیع کر دی ہے۔ آج ان کی عدالتی حراست ختم ہو رہی تھی۔

دہلی ایکسائز پالیسی کیس میں دہلی کی راؤس ایونیو کورٹ نے متعلقہ سی بی آئی کیس میں الزامات پر سمایت کو 30 مئی تک ملتوی کر دیا۔معاملہ سپریم کورٹ میں زیر سماعت ہے۔ منیش سسودیا اور زیر حراست دیگر ملزمان کو ویڈیو کانفرنسنگ کے ذریعہ جیل سے پیش کیا گیا۔

گزشتہ 7 مئی کو عدالت نے سی بی آئی سے متعلق معاملے میں منیش سسودیا کی عدالتی تحویل میں 15 مئی تک توسیع کر دی تھی۔ 24 اپریل کو عدالت نے انہیں 7 مئی تک عدالتی تحویل میں بھیج دیا۔ 12 اپریل کو عدالت نے انہیں 24 اپریل تک عدالتی تحویل میں بھیج دیا تھا۔

ای ڈی نے اس معاملے میں منیش سسودیا کو 9 مارچ 2023 کو پوچھ گچھ کے بعد تہاڑ جیل سے گرفتار کیا تھا۔ سسوڈیا کو اس سے قبل 26 فروری 2023 کو سی بی آئی نے گرفتار کیا تھا۔

غور طلب ہے کہ دہلی کے وزیراعلیٰ اروند کیجریوال کو دہلی ہائی کورٹ سے گرفتاری سے تحفظ نہیں ملنے کے بعد ای ڈی نے 21 مارچ کی شام پوچھ گچھ کے بعد گرفتار کر لیا تھا۔