امراوتی: آندھرا پردیش کے سابق وزیر اعلی وائی ایس جگن موہن ریڈی کے خلاف فوجداری مقدمہ درج کیا گیا ہے۔ سابق ایم پی اور موجودہ ایم ایل اے رگھو کرشنم راجو کی شکایت کے مطابق آئی پی ایس پی وی سنیل کمار، سابق سی ایم جگن موہن اور سابق انٹیلی جنس چیف سیتارامانجنیولو کے خلاف ایف آئی آر درج کی گئی ہے۔ گنٹور نگر پالم پولیس نے تلگودیشم رکن اسمبلی رگھو رام کرشنم راجو کی شکایت پر مقدمہ درج کیا ہے۔ ایف آئی آر میں سابق سی ایم جگن موہن کا نام تیسرے ملزم کے طور پر شامل کیا گیا ہے۔ آندھرا پردیش میں اقتدار کھونے کے بعد سابق چیف منسٹر جگن موہن ریڈی کے خلاف یہ پہلا مقدمہ درج کیا گیا ہے۔
سابق وزیراعلیٰ جگن موہن ریڈی کے خلاف مقدمہ درج، جانیں کیا ہے پورا معاملہ؟ - FIR Booked against Jaganmohan Reddy
Published : Jul 12, 2024, 9:14 PM IST
آندھرا پردیش کے سابق وزیر اعلی وائی ایس جگن موہن ریڈی، اس وقت کے سی آئی ڈی چیف پی وی سنیل کمار، انٹیلی جنس چیف سیتارامانجنیولو کے خلاف فوجداری مقدمہ درج کیا گیا ہے۔
![سابق وزیراعلیٰ جگن موہن ریڈی کے خلاف مقدمہ درج، جانیں کیا ہے پورا معاملہ؟ - FIR Booked against Jaganmohan Reddy جگن موہن ریڈی کے خلاف مقدمہ درج](https://etvbharatimages.akamaized.net/etvbharat/prod-images/12-07-2024/448-252-21937116-thumbnail-16x9-aaaaas.jpg)
آندھرا پردیش کی گنٹور پولیس نے ایم ایل اے رگھورام کرشنم راجو کی شکایت کی بنیاد پر ایف آئی آر درج کی ہے۔ اس نے الزام لگایا تھا کہ سی آئی ڈی کے دفتر میں اس کی بری طرح پٹائی کی گئی۔ ایم ایل اے رگھو رام کرشن راجو نے شکایت کی ہے کہ 14 مئی 2021 کو گنٹور میں حراست میں لیتے ہوئے انہیں نہ صرف مارا پیٹا گیا بلکہ انہیں مارنے کی کوشش بھی کی گئی۔
رگھورام کرشنم راجو نے الزام لگایا ہے کہ سی آئی ڈی آفس میں پی وی سنیل کمار کے ساتھ کئی پولس افسران نے انہیں بری طرح مارا پیٹا۔ رگھورام کرشنم راجو نے دعویٰ کیا کہ پی وی سنیل کمار نے انہیں جان سے مارنے کی دھمکی دی تھی۔ شکایت کی بنیاد پر پولیس نے آئی پی ایس افسر، اس وقت کے ایڈیشنل ایس پی وجے پال، میڈیکل آفیسر کے اثر و رسوخ کے خلاف مقدمہ درج کیا ہے۔