జనతా కర్ఫ్యూలో భాగంగా భారత పౌరులంతా ఇళ్లకే పరిమితమయ్యారు. ఇలా ఇంటి దగ్గరే ఉండి కరోనా వ్యాప్తిని అరికట్టేందుకు కృషి చేస్తున్న పౌరులపై ప్రధాని నరేంద్ర మోదీ ప్రశంసలు కురిపించారు. కరోనాపై పోరాటం చేస్తున్న ప్రజలంతా సైనికులేనని అభివర్ణించారు మోదీ.
14 గంటలపాటు(ఉదయం 7 గంటల నుంచి రాత్రి 9 గంటల వరకు) కుటుంబ సభ్యులతో కలిసి ఆనందంగా టీవీ చూస్తూ, మంచి ఆహారం తీసుకుని జనతా కర్ఫ్యూను అస్వాదించాలని సూచించారు మోదీ.
"కొవిడ్-19పై యుద్ధం చేస్తున్న మీరంతా సైనికులే. మీరు అప్రమత్తంగా ఉంటూ తీసుకుంటున్న జాగ్రత్త.. లక్షలాది మంది ప్రాణాలు కాపాడేందుకు సహాయపడుతుంది."