వైఎస్సార్​ జిల్లాలో విషాదం - పిడుగుపాటుకు ముగ్గురు మృతి

Three Persons Died with Thunderbolt in YSR District: వైఎస్ఆర్ జిల్లా పెండ్లిమర్రి మండలంలో పిడుగు పడి ముగ్గురు కూలీలు అక్కడికక్కడే మృత్యువాత పడ్డారు. కూలీ పనులు చేసుకుని తిరిగి వస్తుండగా సాయంత్రం వర్షం రావడం వల్ల ముగ్గురు చెట్టు కిందకు వెళ్లారు. ఉరుములు మెరుపులతో కూడిన వర్షం రావడంతో ఒక్కసారిగా ఆ ప్రాంతంలో పిడుగులు పడ్డాయి. చెట్టుపైన పెద్ద శద్ధంతో పిడుగు పడటంతో చెట్టు కాలిపోయి ఆ చెట్టు కింద ఉన్న ముగ్గురు వ్యక్తులు మృతి చెందారు. నందిరెడ్డి శివపార్వతి (30), నందిరెడ్డి తేజేశ్వర్ రడ్డి (10), మారుతిప్రసాద్ రెడ్డి (30) మృతి చెందారు. మరో ముగ్గురు కూడా గాయపడ్డారు. శరీరాలన్నీ నలుపు రంగులోకి మారిపోయాయి.