టీజీ పోలీసుల యాప్​ హ్యాక్​ అయినట్లు 'ఎక్స్'లో పోస్టులు

TG Police App Hacked issue :తెలంగాణ పోలీసులకు సంబంధించి మరో యాప్ హ్యాక్ అయినట్లు సామాజిక మాధ్యమాల్లో పోస్టులు వెలిశాయి. ఇటీవల 'హ్యాక్ ఐ' యాప్ సహా పలు వెబ్‌సైట్లు హ్యక్​ అయినట్లు తెలంగాణ సైబర్ సెక్యూరిటీ బ్యూరోకి ఐటీసెల్ డీఎస్పీ రవిచంద్ర ఫిర్యాదు చేశారు. దీనిపై దర్యాప్తు జరుగుతున్న సమయంలో తాజాగా 'టీఎస్​కాప్' యాప్ హ్యాక్ చేసినట్లు 'ఎక్స్​'లో పోస్టులు వెలిశాయి. ఈ యాప్​లో ఫేస్ మిర్రరింగ్ యాప్, ఏసీబీ, సీఐడీ సహా అన్ని విభాగాల డేటా ఉన్నట్లు సైబర్ నేరగాళ్లు పోస్టులు పెట్టారు.

2018లో ప్రారంభం అయిన 'టీఎస్‌కాప్' యాప్ పోలీసులు వారి డిపార్ట్​మెంట్ వారీగా పలు కేసుల ఛేదనకు, పెట్రోలింగ్​ వాహనాలు, ఇతర సేవలకు ఈ యాప్ ఎంతో ఉపయోగపడుతుంది. దీనిలో 54కి పైగా పలు సేవలు అందుబాటులో ఉన్నాయి. ప్రస్తుతం ఈ యాప్ సహా ఇతర పోలీసు వెబ్​సైట్లు కూడా పనిచేయకపోవడం గమనార్హం.