'15 రోజుల్లోగా వివరణ ఇవ్వాలి' - పీవీ సునీల్‌కుమార్‌కు ప్రభుత్వం ఉత్తర్వులు

Government Action on PV Sunil Kumar: సీనియర్ ఐపీఎస్ అధికారి, సీఐడీ మాజీ చీఫ్‌ పీవీ సునీల్ కుమార్​పై ఛార్జెస్ ఫ్రేమ్ చేస్తూ ప్రభుత్వ ఉత్తర్వులు జారీ చేసింది. సునీల్ కుమార్​పై క్రమశిక్షణ చర్యలు తీసుకోవాలని ప్రభుత్వ నిర్ణయించింది. సీఐడీ అధికారులు కస్టడీలో తనపై దాడి చేశారని ప్రస్తుత ఎమ్మెల్యే రఘురామ కృష్ణరాజు ఇచ్చిన ఫిర్యాదుతో నగరంపాలెం పీఎస్​లో ఇటీవల పోలీసులు కేసు నమోదు చేశారు. కేసుపై 'ఎక్స్' వేదికగా సామాజిక మాధ్యమాల్లో ఐపీఎస్ అధికారి సునీల్ కుమార్ పోస్టు పెట్టారు. అఖిలభారత సర్వీసు 1969 నిబంధనల ప్రకారం ఇది మిస్ కండక్ట్​గా ఉత్తర్వుల్లో పేర్కొన్నారు. దీనిపై 15 రోజుల్లోగా లిఖిత పూర్వకంగా లేదా వ్యక్తిగతంగా సమాధానం ఇవ్వాలని ప్రభుత్వం ఉత్తర్వులు జారీ చేసింది.