రోహిత్ ఖాతాలో మరో రికార్డ్- T20ల్లో హిట్​మ్యాన్​ ఘనత

Rohit Sharma T20 Runs:టీమ్ఇండియా కెప్టెన్ రోహిత్ శర్మ కెరీర్​లో మరో ఘనత సాధించాడు. అంతర్జాతీయ టీ20ల్లో 4 వేల పరుగులు మార్క్ అందుకున్నాడు. న్యూయార్క్ వేదికగా ఐర్లాండ్​తో బుధవారం జరుగుతున్న మ్యాచ్​లో రోహిత్ ఈ ఫీట్ సాధించాడు. 26 పరుగులు వ్యక్తిగత స్కోర్ వద్ద రోహిత్ ఈ మైలురాయి అందుకున్నాడు. దీంతో విరాట్ కోహ్లీ (4038), బాబర్ ఆజమ్ (4023) తర్వాత ఈ ఘనత సాధించిన మూడో బ్యాటర్​గా నిలిచాడు. కాగా, ఇప్పటివరకు 152 టీ20ల్లో రోహిత్ 4000+ పరుగులు చేశాడు. ఇందులో 5 సెంచరీలు, 29 హాఫ్ సెంచరీలు ఉన్నాయి.