Aus vs SA T20 Semi Final :2024 మహిళల టీ20 వరల్డ్కప్లో సౌతాఫ్రికా జట్టు ఫైనల్కు దూసుకెళ్లింది. సెమీఫైనల్లో డిఫెండింగ్ ఛాంపియన్ ఆస్ట్రేలియాకు సౌతాఫ్రికా ఊహించని షాకిచ్చింది. గురువారం జరిగిన సెమీస్లో ఆసీస్పై సౌతాఫ్రికా 8 వికెట్ల తేడాతో నెగ్గింది. ఆసీస్ నిర్దేశించిన 135 పరుగుల లక్ష్యాన్ని సౌతాఫ్రికా 17.2 ఓవర్లలో 2 వికెట్లు కోల్పోయి ఛేదించింది. అన్కీ బాష్ (74 పరుగులు), లారా వోల్వార్ట్ (44 పరుగులు) రాణించారు. దీంతో ఆరుసార్లు టైటిల్ విన్నర్ ఆసీస్ ఈసారి ఫైనల్ చేరకుండా సెమీస్లోనే ఇంటిబాట పట్టింది.
ఆస్ట్రేలియాకు షాక్- ఫైనల్కు దూసుకెళ్లిన సౌతాఫ్రికా
T20 Semi Final (Source: Associated Press)
Published : Oct 17, 2024, 10:37 PM IST
అంతకుముందు బ్యాటింగ్లో ఆసీస్ 20 ఓవర్లలో 5 వికెట్ల నష్టానికి 134 పరుగులు చేసింది. బెత్ మూనీ (44), ఎలీస్ పెర్రీ (31) రాణించారు. తహిళ (27), లిచీఫీల్డ్ (16) ఆకట్టుకున్నారు. కానీ, బౌలింగ్లో తేలిపోవడం వల్ల ఏడో టైటిల్పై కన్నేసిన ఆసీస్ సెమీస్లోనే వెనుదిరగాల్సి వచ్చింది.