45, 18 నెంబర్ జెర్సీలను రిటైర్ చేయాలి- యువతరానికి వాళ్లే స్ఫూర్తి!

Rohit Virat Jersey:టీమ్ఇండియా కెప్టెన్​ రోహిత్ శర్మ, స్టార్ బ్యాటర్ విరాట్ కోహ్లీ జెర్సీ నెంబర్ల (45, 18)ను రిటైర్ చేయాలని మాజీ క్రికెటర్ సురేశ్ రైనా బీసీసీఐకి విజ్ఞప్తి చేశాడు. ఈ ఇద్దరు స్టార్లు టీమ్ఇండియాకు ఎన్నో విజయాలు అందించారని, వాళ్లను చూసి యువతరం స్ఫూర్తి పొందాలని రైనా అన్నాడు. 'జెర్సీ నెంబర్లు 45, 18ని రిటైర్ చేయాలని బీసీసీఐ రిక్వెస్ట్ చేస్తున్నా. ఈ నెంబర్లను చూసి యువతరం స్ఫూర్తి పొందాలి. సచిన్, ధోనీకు దక్కిన గౌరవం రోహిత్, విరాట్​కు కూడా లభించాలి. వాళ్ల జెర్సీ నెంబర్లను రిటైర్ చేసినట్లు వీరిద్దరి నెంబర్లు కూడా ఎవరికీ ఇవ్వకూడదు' అని రైనా అన్నాడు. కాగా, రోహిత్, విరాట్ గత కొన్నేళ్లుగా టీమ్ఇండియాకు అన్ని ఫార్మాట్లలో వెన్నుముకగా నిలుస్తున్నారు. ఇక టీ20 వరల్డ్​కప్ అనంతరం వీరిద్దరూ పొట్టిఫార్మాట్​కు గుడ్​బై చెప్పేశారు.