చంద్రబాబుతో పురందేశ్వరి భేటీ - రాజకీయ, రాష్ట్రాభివృద్ధి అంశాలపై చర్చ
By ETV Bharat Andhra Pradesh Team
Published : Aug 13, 2024, 7:32 AM IST
MP Daggubati Purandeswari Met CM Chandrababu Naidu in Undavalli :ముఖ్యమంత్రి నారా చంద్రబాబు నాయుడును గుంటూరు జిల్లా ఉండవల్లిలోని ఆయన నివాసంలో బీజేపీ రాష్ట్ర అధ్యక్షురాలు, రాజమహేంద్రవరం ఎంపీ దగ్గుబాటి పురందేశ్వరి భేటీ అయ్యారు. పురందేశ్వరిని శాలువా, పుష్పగుచ్ఛంతో చంద్రబాబు సత్కరించారు. అనంతరం వేంకటేశ్వరస్వామి విగ్రహాన్ని అందజేశారు. ప్రస్తుత రాజకీయ పరిస్థితులు, రాష్ట్ర అభివృద్ధికి సంబంధించిన అంశాలపై వారు చర్చించారు. ఈ భేటీలో బీజేపీ సంఘటనా కార్యదర్శి మధుకర్ కూడా పాల్గొన్నారు.