రుణమాఫీపై సమస్యలుంటే కలెక్టర్లను కలవండి - రైతులకు సీఎం రేవంత్ సూచన

CM Revanth Reddy Slams KTR :రుణమాఫీపై సమస్యలు ఉంటే కలెక్టర్లు, వ్యవసాయాధికారులను కలవండని ముఖ్యమంత్రి రేవంత్​ రెడ్డి రైతులకు సూచించారు. ప్రజలకు అందుబాటులో ఉండే ప్రభుత్వం తమదని స్పష్టం చేశారు. రుణమాఫీపై కేటీఆర్​ చేసిన వ్యాఖ్యలపై ఆయన స్పందించారు. రైతులు అధికారుల వెంబడి కాకుండా కాంగ్రెస్ నేతల వెంటపడాలన్న కేటీఆర్​ వ్యాఖ్యలను సీఎం రేవంత్​ తిప్పికొట్టారు. ఫాంహౌస్‌లో తప్ప ఎక్కడైనా కేసీఆర్‌ కనిపించేవారా అని ప్రశ్నించారు. పదేళ్లలో బీఆర్‌ఎస్‌ ఇచ్చిందెంతో 10 నెలల్లో తాము ఇచ్చిందెంతో చర్చకు రండని సవాల్ విసిరారు. పది నెలలు కాకముందే తమపై విమర్శలు చేయడమే బీఆర్‌ఎస్‌ పనిగా పెట్టుకుందని ధ్వజమెత్తారు.