చీఫ్ సెక్రటరీగా సుజాత సౌనిక్- రాష్ట్ర చరిత్రలో తొలి మహిళా సీఎస్​గా రికార్డ్​!

Maharashtra First Woman Chief Secretary : మహారాష్ట్ర ప్రధాన కార్యదర్శిగా సీనియర్ ఐఏఎస్ అధికారిణి సుజాత సౌనిక్ నియమితులయ్యారు. ఐఏఎస్ అధికారి నితిన్ కరీర్ ఆదివారం పదవీ విరమణ చేసి సుజాత సౌనిక్​కు బాధ్యతలు అప్పగించారు. తద్వారా రాష్ట్ర చరిత్రలో అత్యున్నత పదవిని చేపట్టిన మొదటి మహిళగా రికార్డు సృష్టించారు. 1987 ఐఏఎస్ బ్యాచ్​కు చెందిన సుజాత మరో ఏడాది పాటు పదవిలో ఉండనున్నారు. సుజాత సౌనిక్ భర్త మనోజ్ సౌనిక్ కూడా కొన్నేళ్ల క్రితం ప్రధాన కార్యదర్శిగా బాధ్యతలు నిర్వర్తించారు. ఇప్పుడు రాష్ట్ర హోంశాఖలో అదనపు ప్రధాన కార్యదర్శిగా ఉన్నారు.