చొరబాటు యత్నం భగ్నం- జమ్ముకశ్మీర్​లో ఇద్దరు ఉగ్రవాదులు హతం

Jammu kashmir Encounter : జమ్ముకశ్మీర్‌లోని నియంత్రణ రేఖ వద్ద అక్రమ చొరబాటుయత్నాన్ని భద్రతాదళాలు భగ్నం చేశాయి. సైన్యం జరిపిన కాల్పుల్లో ఇద్దరు ఉగ్రవాదులు హతమైనట్లు చినార్‌ కార్ప్స్‌ తెలిపింది. కుప్వారా జిల్లా గుగల్దర్‌ వద్ద అనుమానాస్పద కదలికలను గుర్తించిన భద్రతాదళాలు వెంటనే అప్రమత్తమైనట్లు వెల్లడించింది. చొరబాట్లను ప్రతిఘటించే క్రమంలో భద్రతాదళాలు జరిపిన కాల్పుల్లో ఇద్దరు ముష్కరులు హతమైనట్లు చినార్‌ కార్ప్స్‌ ప్రకటించింది. ఇంకా సైనిక ఆపరేషన్‌ కొనసాగుతున్నట్లు తెలిపింది. జమ్ముకశ్మీర్‌ పోలీసులు, సైన్యం సంయుక్తంగా ఈ ఆపరేషన్‌ నిర్వహిస్తున్నట్లు చినార్‌ కార్ప్స్‌ వెల్లడించింది.