LIVE కిక్కిరిసిన తిరుమల గిరులు- గరుడ వాహనంపై స్వామివారి విహారం ప్రత్యక్ష ప్రసారం - GARUDA VAHANA SEVA LIVE

Tirumala Brahmotsavam Garuda Vahana Seva Live : తిరుమలేశుడి బ్రహ్మోత్సవాల్లో కీలక ఘట్టమైన గరుడ సేవకు తిరుగిరులు ప్రత్యేకంగా, ముస్తాబయ్యాయి. గరుడ సేవకు భక్తులు భారీగా తరలివచ్చారు. 12వందల మంది పోలీస్‌ సిబ్బందిని అదనంగా భద్రతా విధులు నిర్వహిస్తున్నారు. అఖిలాండ కోటి బ్రహ్మాండనాయకుడి బ్రహ్మోత్సవాలు ఐదోరోజుకు చేరుకున్నాయి. పెద్దశేష, చిన్న శేష, హంస, సింహ,ముత్యపు పందిరి, కల్పవృక్ష, సర్వభూపాల వాహనాలపై విహరించిన వేంకటేశుడు ఇప్పుడు తనకు అత్యంత ప్రీతిపాత్రమైన గరుడ వాహనంపై భక్తులకు అభయప్రదానం చేస్తున్నారు. మూలవర్లకు అలంకరించే లక్ష్మీకాసులహారం, మకరకంఠి ఆభరణాలను మలయప్పస్వామికి అలంకరించారు. తమిళనాడులోని శ్రీవిల్లిపుత్తూరు నుంచి తెప్పించిన గోదాదేవి మాలలనూ ప్రత్యేకంగా అలంకరించారు. గరుడసేవను  వీక్షించడానికి లక్షలాది మంది భక్తులు వచ్చారు. టీటీడీ తిరుమాఢ వీధుల్లోని గ్యాలరీల్లో దాదాపు 2 లక్షల మంది భక్తులు కూర్చునే అవకాశం కల్పించింది. మంగళవారం ఉదయం మోహినీ అవతారంలో శ్రీనివాసుడు దర్శనమిచ్చారు. వాహన సేవను తిలకించేందుకు భారీగా భక్తుల తరలివచ్చారు. ప్రస్తుతం స్వామివారి గరుడవాహన సేవ ప్రత్యక్ష ప్రసారం మీ కోసం.