జాబు కావాలంటే బాబు రావాలి - యువత బాగా ఆలోచించి తొలి ఓటు వేయాలి: నీలాయపాలెం - TDP Nilayapalem Press Meet

TDP Leader Nilayapalem VijayKumar Press Meet: ఉద్యోగాలు కావాలంటే చంద్రబాబు రావాలని, ఈ నేపథ్యంలో యువత బాగా ఆలోచించి తొలి ఓటు వేయాలి వేయాలని టీడీపీ జాతీయ అధికార ప్రతినిధి నీలాయపాలెం విజయ్ కుమార్ కోరారు. రాష్ట్ర భవిష్యత్తు బాగు పడాలంటే ఓటు హక్కుతోనే సాధ్యమని ఉద్ఘాటించారు. 2014 తెలుగుదేశం హయాంలో రాష్ట్రానికి ఎన్నో పరిశ్రమలు తీసుకొచ్చినట్లు విజయ్ గుర్తు చేశారు. వైసీపీ ప్రభుత్వంలో ఉద్యోగాలు లేక యువత ఎన్నో ఇబ్బందులు పడుతున్నారని వాపోయారు. 

తెలుగుదేశం ప్రభుత్వం రాష్ట్రంలో అద్భుతాలు చేసి చూపిందన్నారు. టీడీపీ హయాంలో వచ్చిన పరిశ్రమలు 60 ఏళ్లలో మిగిలిన ప్రాంతాల్లో ఎక్కడా రాలేదని విజయ్ స్పష్టం చేశారు. 2014-19 ఐదేళ్ల కాలంలో టీడీపీ 100 పరిశ్రమలను తీసుకొచ్చిందన్నారు. ప్రభుత్వాన్ని పరిపాలించే ముఖ్యమంత్రిపైనే ప్రజల భవిష్యత్తు నిర్ణయించబడుతుందని తెలిపారు. ఆంధ్రప్రదేశ్​లో మొట్ట మొదటిసారిగా కియా కార్లను ప్రవేశపెట్టింది చంద్రబాబునే అని గుర్తు చేశారు. జగన్ రెడ్డి పాలనలో రాష్ట్రానికి రాజధాని లేకుండా పోయిందని, జాబు కావాలంటే బాబు రావాల్సిందేనని తేల్చిచెప్పారు.