Case Registered on Actor Sritej: నటుడు శ్రీతేజ్పై తెలంగాణలోని హైదరాబాద్ కూకట్పల్లి పోలీస్ స్టేషన్లో కేసు నమోదైంది. పెళ్లి పేరుతో తనను మోసం చేశాడంటూ ఓ మహిళ గచ్చిబౌలి పోలీస్ స్టేషన్లో ఫిర్యాదు చేశారు. దీంతో గచ్చిబౌలి పోలీసులు జీరో ఎఫ్ఐఆర్ కింద కేసు నమోదు చేసుకుని, కూకట్పల్లి పోలీస్ స్టేషన్కు ఫార్వర్డ్ చేశారు. శ్రీతేజ్పై బీఎన్‌ఎస్‌ 69, 115 (2), 318 (2) సెక్షన్ల కింద కేసు నమోదు చేశారు.
పోలీసులు తెలిపిన వివరాల ప్రకారం ఓ మహిళ మొయినాబాద్లో నివాసం ఉంటున్నారు. కొన్నేళ్ల నుంచి నటుడు శ్రీతేజ్తో ఆమెకు పరిచయం ఉండడంతో, అదికాస్తా వివాహేతర సంబంధానికి దారితీసింది. తనను శారీరకంగా వాడుకోవడంతో పాటు తన నుంచి 20 లక్షల రూపాయలు తీసుకుని ఇవ్వడం లేదని, తన పిల్లలను సైతం ఇబ్బందులకు గురి చేస్తున్నాడంటూ బాధితురాలు ఫిర్యాదు చేశారు.
గతంలోనూ కూకట్పల్లి పోలీస్ స్టేషన్లో ఓ మహిళ ఫిర్యాదు : గతంలోనూ ఓ మహిళ తనను మోసం చేశాడంటూ, భర్తతో విడాకులు తీసుకున్న తర్వాత పెళ్లి చేసుకుంటానని నమ్మబలికాడంటూ శ్రీతేజ్పై కూకట్పల్లి పోలీస్స్టేషన్లో ఫిర్యాదు చేశారు. ఆమెకు 2014లో సోషల్ మీడియా ద్వారా శ్రీతేజ్ పరిచయమయ్యాడని, తన పిల్లలను జాగ్రత్తగా చూసుకుంటానని నమ్మంచి మోసం చేశాడని ఫిర్యాదు చేశారు. మహిళ ఇచ్చిన ఫిర్యాదు మేరకు గతంలోనూ శ్రీతేజ్పై పోలీసులు కేసు నమోదు చేశారు.
ఇప్పుడు రెండో కేసు నమోదు: తాజాగా మంగళవారం కూకట్పల్లి పోలీస్స్టేషన్లో శ్రీతేజ్పై నమోదైన కేసు రెండోది కావడం గమనార్హం. ఇప్పటి వరకూ శ్రీతేజ్పై ఒక కేసు మాత్రమే ఉండగా, ఇప్పుడు రెండో కేసు కూడా నమోదు చేసినట్లు పోలీసులు తెలిపారు.
సినిమాలతోపాటు వెబ్సిరీస్లో మంచి గుర్తింపు : సినీ నటుడు శ్రీతేజ్ వంగవీటి, లక్ష్మీస్‌ ఎన్టీఆర్‌, మంగళవారం, పుష్ప ది రైజ్‌ తదితర సినిమాలతో గుర్తింపు తెచ్చుకున్నాడు. 9 అవర్స్‌, బహిష్కరణ, పరంపర వంటి సిరీస్ల్లోనూ నటించి మెప్పించాడు. ప్రస్తుతం అల్లు అర్జున్‌ కథానాయకుడిగా నటిస్తున్న ‘పుష్ప ది రూల్‌’లో కూడా శ్రీతేజ్ కీలక ప్రాతలో నటిస్తున్నాడు.
