LIVE రూ. 150 కోట్లకు గ్రూప్ -1 ఉద్యోగాలు అమ్ముకున్నారు- టీడీపీ నేత పట్టాభిరామ్ మీడియా సమావేశం- ప్రత్యక్షప్రసారం - TDP Leader Pattabhi Live

TDP Leader Komma Reddy Pattabhi Media Conference Live: దోపిడీకి కాదేదీ అనర్హమంటూ అన్నింట్లోనూ జగన్, వైఎస్సార్సీపీ నాయకులు అవినీతికి పాల్పడుతున్నారని తెలుగుదేశం జాతీయ అధికార ప్రతినిధి పట్టాభిరామ్ విమర్శించారు. రూ.150 కోట్లకు గ్రూప్ -1 ఉద్యోగాలను జగన్ సర్కార్ అమ్ముకుందని ఆరోపించారు. ఆఖరికి సర్కార్ బడి పిల్లలకు ఇచ్చే పాఠ్యపుస్తకాల్లోనూ జగన్ కుంభకోణానికి పాల్పడుతున్నారని అన్నారు. బుక్స్‌ టెండర్‌లో 120 కోట్ల రూపాయల స్కాం జరిగిందని ఆరోపించారు. 2022లో 4 ప్యాకేజీలుగా పాఠ్యపుస్తకాల టెండర్లు పిలిచారని, టన్ను పేపర్‌ ధర రూ.లక్ష ఉన్నప్పుడు పేజీ 23 పైసలకు టెండర్‌ పిలిచారని తెలిపారు. ప్రస్తుతం టన్ను పేపర్‌ ధర సుమారు రూ.85 వేలుగా ఉందని, టన్ను పేపర్‌ ధర 15 శాతం తగ్గినా 34 పైసలకు టెండర్‌ పిలుస్తున్నారని ఆరోపించారు. వచ్చే ఎన్నికల్లో ఓట్ల కొనుగోలుకు డబ్బులు పోగేసుకుంటున్నారని పట్టాభిరామ్ ఆరోపించారు. వైఎస్సార్సీపీకి అభ్యర్థులు దొరక్క మంత్రి బొత్స కుటుంబానికి 5 టికెట్లు ఇచ్చారని పట్టాభి అన్నారు. ఎన్నికల ఖర్చు భరించలేమని బొత్స సీఎంకు మొరపెట్టుకుంటే బుక్స్ టెండర్‌లో దోచుకోమని జగనే సలహా ఇచ్చారని తెలిపారు. దోచుకోవడానికి మార్గాలుండగా ఐదు కాకపోతే పది సీట్లు ఇవ్వవచ్చు అని పట్టాభి ఎద్దేవా చేశారు. ఈ నేపథ్యంలో టీడీపీ అధికార ప్రతినిధి పట్టాభిరామ్ మీడియా సమావేశం ప్రత్యక్షప్రసారం.