నటి ప్రియాంక మోహన్​కు తప్పిన ప్రమాదం - ఏమైందంటే - HANUMANDLA JHANSI REDDY INJURED - HANUMANDLA JHANSI REDDY INJURED

Jhansi Reddy Seriously Injured : మహబూబాబాద్ జిల్లా తొర్రూరు పట్టణ కేంద్రంలో నూతన  షాపింగ్ మాల్ ప్రారంభోత్సవ కార్యక్రమంలో హీరోయిన్ ప్రియాంక మోహన్​కు పెద్ద ప్రమాదమే తప్పింది. షాపింగ్​ మాల్​ ముందు ఏర్పాటు చేసిన వేదిక కూలింది. ఈ కార్యక్రమానికి ముఖ్య అతిథులుగా సినీ నటి ప్రియాంక మోహన్, పాలకుర్తి నియోజకవర్గ కాంగ్రెస్ పార్టీ ఇంఛార్జ్, పాలకుర్తి ఎమ్మెల్యే యశస్విని రెడ్డి అత్తయ్య ఝాన్సీరెడ్డి పాల్గొన్నారు.  

వీరిద్దరూ వేదికపైకి ఎక్కి ప్రజలకు అభివాదం చేస్తుండగా ఒక్కసారిగా కుప్ప కూలింది. వేదికపై ఉన్న ఝాన్సీ రెడ్డి రెండు కాళ్లకు తీవ్ర గాయాలయ్యాయి. నటి ప్రియాంక మోహన్​ మాత్రం ప్రమాదం నుంచి సురక్షితంగా బయట పడ్డారు. వెంటనే ఝాన్సీ రెడ్డిని చికిత్స కోసం హైదరాబాద్​లోని హాస్పిటల్​కు తరలించారు. వేదికపై ఎక్కువ మంది ఉండటం వల్లే కూలిందని స్థానికులు చెబుతున్నారు. ప్రమాదంలో ప్రియాంక మోహన్ తప్పించుకోవడంతో అభిమానులు ఊపిరి పీల్చుకున్నారు. ఈ ఘటనతో కాసేపు గందరగోళం ఏర్పడింది.