ETV Bharat / videos

Rat In Chutney At JNTU Campus  Sangareddy : ఓ ఇంజినీరింగ్ కళాశాలలో చట్నీ పాత్రలో ఎలుక కనిపించిన ఘటన కలకలం రేపింది. దీంతో విద్యార్థులు ఆందోళన వ్యక్తం చేశారు. ఈ ఘటన సంగారెడ్డి జిల్లాలో జరిగింది. జిల్లాలోని చౌటకూరు మండలం సుల్తాన్‌పూర్‌ గ్రామంలోని జేఎన్టీయూ ఇంజినీరింగ్‌ కళాశాల ఉంది. బాలుర హాస్టల్​ క్యాంటీన్‌లోని చట్నీ పాత్రకు మూత పెట్టకపోవడంతో గిన్నెలో ఎలుక పడిపోయింది. 

నిర్వాహకులు నిర్లక్ష్యంగా వ్యవహరించడంపై విద్యార్థులు మండిపడుతున్నారు. ఈ విషయాన్ని గమనించిన విద్యార్థులు దాన్ని వీడియో తీసి సోషల్ మీడియాలో వైరల్‌ చేశారు. కొందరు ప్రజా ప్రతినిధులకు దీనిని పంపించారు. దాంతో ఆ వీడియో కాస్త వైరల్‌గా మారింది. కాగా ఈ ఘటనపై ప్రిన్సిపల్‌ నరసింహ స్పందించారు. చట్నీ పాత్రలో ఎలుక పడలేదని ఆయన స్పష్టం చేశారు. శుభ్రం చేసేందుకు ఉంచిన పాత్రలో మాత్రమే ఎలుక కనిపించిందని పేర్కొన్నారు. కొందరు విద్యార్థులు కావాలనే వీడియో తీసి ప్రజాప్రతినిధులకు పంపించారని ఆయన ఆరోపించారు.