రామోజీ గ్రూప్​ స్పోర్ట్స్​ మీట్ ప్రారంభించిన ఫిల్మ్​ సిటీ ఎండీ విజయేశ్వరి - Ramadevi Public School

Ramoji Group Sports Meet 2024 : రమాదేవి పబ్లిక్ స్కూల్ క్రీడా ప్రాంగణంలో రామోజీ గ్రూప్ స్పోర్ట్స్ మీట్ - 2024ను రామోజీ ఫిల్మ్ సిటీ ఎండీ సీహెచ్ విజయేశ్వరి ముఖ్యఅతిథిగా విచ్చేసి జ్యోతి వెలిగించి ప్రారంభించారు. గాలిలోకి బెలూన్లు వదిలి క్రీడా సంబురాలకు ఘనంగా శ్రీకారం చుట్టారు. అనంతరం క్రీడా జ్యోతిని వెలిగించి క్రీడాకారులకు అందజేశారు. క్రికెట్​ పోటీలకు టాస్​ వేసిన ఫిల్మ్​ సిటీ ఎండీ విజయేశ్వరి స్వయంగా బ్యాట్​ చేతపట్టి క్రికెట్​ ఆడి ఉద్యోగులను ఉత్సాహపరిచారు. ఉద్యోగినులతో కలిసి మ్యూజికల్​ చైర్​, త్రోబాల్​, టెన్నికాయిట్​ ఆడారు.

ఈ కార్యక్రమంలో పాల్గొన్న రామోజీ ఫిల్మ్​ సిటీ సీఈఓ కె.శేషసాయి మాట్లాడుతూ ఎంతో ప్రతిష్టాత్మకంగా ఏర్పాటు చేసిన రామోజీ గ్రూప్​ స్పోర్ట్స్​ మీట్​లో ఉద్యోగులు ఉత్సాహంగా పాల్గొంటున్నారని అన్నారు. క్రీడా స్ఫూర్తిని చాటుతూ పోటీల్లో పాల్గొంటున్న ఉద్యోగులకు ఆయన శుభాకాంక్షలు తెలిపారు. ఈ కార్యక్రమంలో యూకేఎంపీఎల్​ డైరెక్టర్​ ఎం. శివరామకృష్ణ, రామోజీ గ్రూప్​ మానవ వనరుల విభాగం ప్రెసిడెంట్​ డా.ఏ.గోపాలరావు, హార్టికల్చర్​ విభాగం వైస్​ ప్రెసిడెంట్​ డా.ఆర్.చంద్రశేఖర్​, ఇతర ఉన్నత ఉద్యోగులు పాల్గొన్నారు.