'కనిగిరిలో అల్లర్లు, పెట్రోల్​ బాంబు దాడులు- పోలీసుల​ లాఠీచార్జి, ఫైరింగ్' - police Mock Drill in kanigiri

Police, Firemen Along With Paramilitary Forces Conducted Mock Drill : ప్రకాశం జిల్లా కనిగిరిలో పోలీసులు, అగ్నిమాపక సిబ్బంది కలసి పారా మిలటరీ బలగాలతో కలసి మాక్‌డ్రిల్‌ నిర్వహించారు. అల్లర్లకు పాల్పడుతున్న వారిని చెదరగొట్టడం, రబ్బరు బులెట్లను ప్రయోగించడంతో పాటు లాఠీఛార్జ్‌లో గాయపడిన వారిని ఆస్పత్రికి తరలించడం వంటి అంశాలను కళ్లకు కట్టినట్లు ప్రజలకు చూపించారు. ఎవరైనా అల్లర్లు సృష్టించినా, హింసకు ప్రేరేపించినా చట్ట పరంగా కఠిన చర్యలు తీసుకుంటామని పోలీస్‌ ఆధికారులు హెచ్చరించారు.  
సార్వత్రిక ఎన్నికల సందర్భంగా ఈ నెల 13న ఎన్నికల రోజు, తర్వాతి రోజు నుంచి రాష్ట్రంలోని పలు జిల్లాల్లో, హింసాత్మక ఘటనలు చోటు చేసుకొన్న నేపథ్యంలో పోలీసు శాఖ అప్రమత్తమైంది. ఈసీ ఆదేశాల మేరకు జూన్ 4 ఓట్ల లెక్కింపు రోజున గ్రామీణ,పట్టణ ప్రాంతాల్లో హింసాత్మక ఘటనలు జరగకుండా కట్టుదిట్టమైన భద్రతా ఏర్పాట్లు చేసే పనుల్లో భాగంగా పోలీసు అధికారులు భద్రతా చర్యలకు ఏర్పాట్లు చేస్తున్నారు.