LIVE : రాజమహేంద్రవరంలో ప్రధాని మోదీ ఎన్నికల ప్రచారం- హాజరైన పురందేశ్వరి, పవన్, లోకేశ్- ప్రత్యక్షప్రసారం - PM Modi Rajamahendravaram Meeting

PM Modi Meeting at Rajamahendravaram Live: రాష్ట్రంలో ప్రచారంలో దూసుకెళ్తున్న ఎన్డీఏ కూటమి నేడు రెండు భారీ బహిరంగ సభలు నిర్వహిస్తుండగా, వీటికి ప్రధాని మోదీ హాజరయ్యారు. గోదావరి తీరంలో ప్రజాగళం పేరిట భారీ బహిరంగ సభకు కూటమి నేతలు ఇప్పటికే ఏర్పాట్లు పూర్తి చేశారు. ప్రధానితో పవన్ కల్యాణ్​, లోకేశ్ ఈ సభలో పాల్గొన్నారు. ఎన్నికల ప్రచారం తుది దశకు చేరుతున్న వేళ గోదావరి తీరంలో తెలుగుదేశం, జనసేన, బీజేపీ కూటమి భారీ బహిరంగ సభ నిర్వహిస్తోంది. తెలుగుదేశం, బీజేపీ, జనసేన కూటమి ఏర్పడిన తర్వాత తొలిసారి చిలకలూరిపేట నియోజకవర్గం బొప్పూడిలో బహిరంగ సభ నిర్వహించారు.రెండో సభను రాజమహేంద్రవరం సమీపంలోని వేమగిరిలో నిర్వహిస్తున్నారు. తెలుగుదేశం గతేడాది మహానాడు నిర్వహించిన మైదాన ప్రాంగణంలో సుమారు 50 ఎకరాల స్థలంలో భారీ బహిరంగ సభను నిర్వహిస్తున్నారు. ఎన్డీఏ కూటమి అధికారంలోకి వచ్చాక డబుల్ ఇంజిన్ సర్కార్ చేపట్టబోయే అభివృద్ధి కార్యక్రమాలను సభలో ప్రధాని మోదీ వివరించనున్నారని నేతలు తెలిపారు. రాజమహేంద్రవరంలో ప్రధాని మోదీతోపాటు సభలో పాల్గొన్న పవన్, లోకేశ్, పురందేశ్వరి ప్రత్యక్షప్రసారం మీకోసం.