నిర్మల్​లో సందడి చేసిన నేహాశెట్టి - అభిమానుల ఉత్సాహం - nirmal latest news

Neha Shetty Opened Shopping Mall In Nirmal : నిర్మల్ జిల్లా కేంద్రంలోని బస్ డిపో పక్కన ఎల్​వీఆర్ షాపింగ్ మాల్​ను ఎమ్మెల్యే ఏలేటి మహేశ్వర్ రెడ్డి ప్రారంభించారు. నూతనంగా ప్రారంభించిన మాల్​లో సినీతార, డీజే టిల్లు సినిమాలో నటించిన నేహా శెట్టి(Neha Shetty) సందడి చేశారు. నూతనంగా ఏర్పాటు చేసిన షాపింగ్​ మాల్​ను ఆమె ప్రారంభించారు. షాపులో కలియ తిరుగుతూ చీరలతో ఫోటోలకు పోజులిచ్చారు. షాపింగ్ మాల్​కు చేరుకున్న ఆమెకు అభిమానులు, సిబ్బంది స్వాగతం పలికారు. నేహా శెట్టి రాకతో యువత కేరింతలుతో ఆ ప్రాంతమంతా హోరెత్తింది. మహిళలు, కుటుంబీకులు వస్త్రాలు కొనడానికి చాలా మక్కువ చూపిస్తారని ఆమె తెలిపింది.

Neha Shetty In Nirmal : షాపింగ్​మాల్​ను ప్రారంభించడం చాలా సంతోషంగా ఉందని ఆమె అన్నారు. ఈ సందర్భంగా నేహా శెట్టి పలు గీతాలకు నృత్యాలు చేసి అభిమానులను ఉత్సాహపరిచారు. ఆమెను చూసేందుకు, సెల్ఫీలు దిగేందుకు అభిమానులు పోటీపడ్డారు. ఈ షాపింగ్​ మాల్​ కలెక్షన్స్​ మగువలను కట్టిపడిసే విధంగా ఉన్నాయని నేహా శెట్టి తెలిపారు.