చివరి అంకానికి అన్న క్యాంటీన్ల ఏర్పాటు- మున్సిపల్ కమిషనర్లతో మంత్రి వీడియోకాన్ఫరెన్స్ - Minister Narayana video conference - MINISTER NARAYANA VIDEO CONFERENCE

Minister Narayana video conference with Municipal Commissioners: రాష్ట్రంలోని మున్సిపల్ కమిషనర్లతో పురపాలక శాఖ మంత్రి పి.నారాయణ వీడియో కాన్ఫరెన్స్ నిర్వహించారు. మున్సిపల్ శాఖ ప్రత్యేక ప్రధాన కార్యదర్శి అనిల్ కుమార్ సింఘాల్, డైరెక్టర్ హరి నారాయణన్, ఉన్నతాధికారులు హాజరయ్యారు. అన్న క్యాంటీన్ల ఏర్పాటు, డ్రెయిన్లలో పూడిక తొలగింపుపై కమిషనర్లకు మంత్రి సూచనలు చేశారు. వివిధ ప్రాంతాల్లో అన్న క్యాంటీన్ భవనాలు నిర్మాణం జరుగుతున్న తీరును నారాయణ పరిశీలించారు. డ్రెయిన్లలో పూడికతీత పనులు త్వరితగతిన పూర్తి చేయాలని ఆదేశించారు. ఈ నెల 15న రాష్ట్రంలో 100 అన్న క్యాంటీన్లు ప్రారంభిస్తున్నామని మంత్రి తెలిపారు. 33 మున్సిపాలిటీల్లో 100 క్యాంటీన్లు ఏర్పాటు చేస్తున్నామన్నారు. రాబోయే వారం రోజులు అన్న క్యాంటీన్లపై కమిషనర్లు ప్రత్యేక శ్రద్ధ పెట్టాలని సూచించారు. క్యాంటీన్ భవనాల్లో కిచెన్ ఏర్పాటు చేసే టీమ్​తో సమన్వయం చేసుకోవాలని మంత్రి నారాయణ అధికారులను ఆదేశించారు.

"ఈనెల 15న రాష్ట్రంలోని 33 మున్సిపాలిటీల్లో 100 అన్న క్యాంటీన్లు ప్రారంభిస్తున్నాం. రాబోయే వారం రోజులు అన్న క్యాంటీన్లపై కమిషనర్లు ప్రత్యేక శ్రద్ధ పెట్టాలి. క్యాంటీన్ భవనాల్లో కిచెన్ ఏర్పాటు చేసే టీమ్‌తో సమన్వయం చేసుకోవాలి." - మున్సిపల్ కమిషనర్లతో మంత్రి నారాయణ