రాష్ట్రాన్ని విధ్వంసం చేయడమే జగన్ అజెండా : లోకేశ్​ - Lokesh Election Campaign

Lokesh Election Campaign in Sri Chakra Apartment Guntur District : స్వార్థ రాజకీయాల కోసం సమాజాన్ని కుల, మతాల పేరుతో చీల్చి రాష్ట్రాన్ని విధ్వంసం చేయడమే సీఎం జగన్ మోహన్​ రెడ్డి అజెండా అని తెలుగుదేశం జాతీయ ప్రధాన కార్యదర్శి లోకేశ్​ విమర్శించారు. ఎన్నికల ప్రచారంలో భాగంగా తాడేపల్లిలోని శ్రీ చక్ర అపార్ట్ మెంట్ వాసులతో లోకేశ్​ సమావేశమయ్యారు. జగన్ వినాశకర చర్యల ఫలితంగా రాష్ట్రానికి ఒక్క పరిశ్రమ రాకపోగా ఇక్కడి పరిశ్రమలు కూడా పొరుగు రాష్ట్రాలకు తరలిపోయాయన్నారు.

Mangalagiri Constituency : అయిదేళ్ల వైసీపీ ప్రభుత్వం హయాంలో ఒక్క పరిశ్రమ కూడా రాకపోవడంతో ఉద్యోగాల కోసం యువత తమిళనాడు, బెంగళూరు, కర్ణాటక తరలి వెళ్లాల్సిన పరిస్థితి వచ్చిందని లోకేశ్​ ఆవేదన వ్యక్తం చేశారు. అభివృద్ధి చేయడం చేతగాని జగన్ రాష్ట్రాన్ని మాత్రం గంజాయి క్యాపిటల్ ఆఫ్ ఇండియాగా మార్చి యువత భవిష్యత్తును నాశనం చేశారన్నారు. జగన్ అనాలోచిత నిర్ణయాలతో రాష్ట్రం 30ఏళ్లు వెనక్కి వెళ్లిందని మండిపడ్డారు.