వారెవ్వా అనిపిస్తున్న ఖైరతాబాద్​ గణనాథుడి శోభాయాత్ర డ్రోన్​ విజువల్స్​ - Khairatabad Ganesh Drone Visuals

Khairatabad Ganesh Drone Visuals : నవరాత్రులు పూజలందుకున్న ఖైరతాబాద్​ గణనాథుడిని గంగమ్మ ఒడిలోకి చేర్చారు. బొజ్జ గణపయ్యను దర్శించుకునేందుకు లక్షలాది మంది భక్తులు ఖైరతాబాద్‌కు బారులు తీరారు. ఈ నేపథ్యంలో ఖైరతాబాద్ గణేశ్​ శోభాయాత్ర ఘనంగా జరిగింది. వినాయక గణేశ్​ నిమజ్జనంలో భాగంగా చిన్నారులు, యువతి, యువకులతో పాటు ప్రజా ప్రతినిధులు నృత్యాలతో హోరెత్తించారు. ఈ క్రమంలో 'జై గణేశ్​ మహారాజ్​ కీ జై' అంటూ భాగ్యనగరం మొత్తం నామస్మరణంతో మార్మోగిపోయింది. 

ఆకట్టుకుంటున్న ఖైరతాబాద్ గణేశ్​ డ్రోన్​ విజువల్స్​ : ట్యాంక్​ బండ్​ పరిసర ప్రాంతం గణేశుడి నిమజ్జనానికి విచ్చేసిన భక్తులతో కిక్కిరిసిపోయి సందడిగా మారాయి. ఖైరతాబాద్ గణేశ్​ గంగమ్మ చెంతకు వెళ్లినప్పుడు భక్తులు తమ సెల్​ఫోన్లలో ఖైరతాబాద్​ గణేశుడి నిమజ్జన దృశ్యాలను వీడియో, సెల్ఫీల రూపంలో భద్రపరచుకున్నారు. ఖైరతాబాద్​ గణేశ్​ గంగమ్మ ఒడి చేరే వరకు జరిగిన శోభాయాత్ర డ్రోన్​ విజువల్స్​ చూపరులను ఎంతో ఆకట్టుకుంటోంది. మీరు కూడా ఓ లుక్కేయండి.