మధ్యాహ్న భోజనంలో రాళ్లు, పురుగులు, వెంట్రుకలు - తల్లిదండ్రుల ఆగ్రహం - భోజనంలో రాళ్లు పురుగులు వెంట్రుకలు

Hair and Worms Mid Day Meals in NTR District : మధ్యాహ్న భోజనంలో రాళ్లు, పురుగులు, వెంట్రుకలు, అన్నం పలుకులు పలుకులుగా (విత్తులు విత్తులుగా) ఉంటుందని ఎన్టీఆర్​ జిల్లాలోని ప్రభుత్వ పాఠశాల వద్ద విద్యార్థుల తల్లిదండ్రులు ఆందోళన చేశారు. తిరువూరు సుందరయ్య కాలనీ మండల పరిషత్​లోని విద్యార్థులకు అపరిశుభ్రంగా వంట చేస్తుందన్న సిబ్బందిపై ఆగ్రహం వ్యక్తం చేశారు. మధ్యాహ్న భోజనం పెడుతున్న మా పిల్లలు ఇంటి నుంచి అన్నం తెచ్చుకొని ఇక్కడ తినడం ఏంటని ప్రశ్నిస్తున్నారు.

రెండు నెలలుగా అపరిశుభ్ర భోజనంతో పిల్లలు ఇబ్బంది పడుతుంటే మీరు ఏం చేస్తున్నారని ప్రధానోపాధ్యాయుడ్ని తల్లిదండ్రులు నిలదీశారు. ఈ విషయంపై విద్యార్థుల నుంచి సమస్యలు తెలుసుకొని నమోదు చేసుకున్నారు. మధ్యాహ్న భోజనం పరిశుభ్రంగా లేకపోతే అధికారులకు పిటిషన్​ ఇస్తామని తేల్చి చెప్పారు. 

'అన్నంలో పురుగులు, వెంట్రుకలు వస్తున్నాయి. పై అధికారులు ఎవరైనా వస్తే పరిశుభ్రంగా ఉంటుంది. లేదంటే అన్నం, సాంబర్​లో పురుగులు, వెంట్రుకలు వస్తాయి ' అని ఓ విద్యార్థిని తెలిపింది.