ఫుట్​పాత్​పై ఉన్న దుకాణాల్లో భారీ అగ్నిప్రమాదం - అగ్నికి ఆహుతైన 2 హోటల్స్ - Fire Accident In Hyderabad

Fire Accident In Filmnagar : హైదరాబాద్‌ ఫిలింనగర్ పోలీస్ స్టేషన్ పరిధిలోని షేక్‌పేట్ వద్ద అగ్నిప్రమాదం చోటు చేసుకుంది.షేక్​పేట్ డివిజన్​లో ఫుట్ పాత్ మీద ఉన్న దుకాణాల్లో ఒక్కసారిగా మంటలు చెలరేగాయి. స్థానిక వ్యాపారస్థులు భయంతో పరుగులు తీశారు. వెంటనే ఫైర్ సిబ్బందికి సమాచారం ఇచ్చారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకొని మంటలను అదుపు చేశారు. ఈ ప్రమాదంలో ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు.

Filmnagar Fire Accident : ట్రాన్స్‌ఫార్మర్‌ నుంచి ఆయిల్ లీకై ఒక్కసారిగా మంటలు చెలరేగాయని, దీంతో వైర్లకు మంటలు అంటుకొని పక్కనే ఉన్న దుకాణాలకు వ్యాపించాయని పోలీసులు తెలిపారు. ఈ ప్రమాదంలో రెండు దుకాణాలు అగ్నికి ఆహుతయ్యాయన్నారు. ఈ ప్రమాదంలో ఎలాంటి ప్రాణనష్టం జరగలేదని తెలిపారు. ఘటనపై కేసు నమోదు చేసుకున్న పోలీసులు విచారణ చేస్తున్నారు. ఎండాకాలం సమీపిస్తుండటంతో అగ్ని ప్రమాదాలు జరగకుండా తగిన జాగ్రత్తలు తీసుకోవాలని ప్రజలకు పోలీసులు సూచించారు.