ప్రజాభవన్​ సమీపంలోని పెట్రోల్​ బంక్​లో అగ్ని ప్రమాదం - తప్పిన పెను ప్రమాదం - Fire Accident at praja bhavan - FIRE ACCIDENT AT PRAJA BHAVAN

Fire Accident at Petrol Station Near Praja Bhavan : నిరంతరం ఆ ప్రాంతం ప్రజాప్రతినిధులతో, జనాలతో రద్దీగా ఉంటుంది. అక్కడ ఎలాంటి ప్రమాదం జరిగినసరే శాంతిభద్రతల సమస్య వస్తుంది. అదే ప్రజాభవన్​ ఉన్న ప్రాంతం. అయితే ఆ ప్రజాభవన్​కు కూతవేటి దూరంలో ఉన్న ఇండియన్​ ఆయిల్​ పెట్రోల్​ బంక్​లో ఒక్కసారిగా మంటలు చెలరేగాయి. బంకులోని భూ అంతర్భాగంలో ఏర్పాటు చేసిన ట్యాంక్ మూతను తీసేందుకు ప్రయత్నించగా ఒక్కసారిగా మంటలు చెలరేగాయి. ఈ మంటలను గమనించిన బంక్​ సిబ్బంది వాహనాదారులను అక్కడి వెళ్లిపోవాలని హెచ్చరించారు.

వెంటనే పెట్రోల్​ బంక్​ సిబ్బంది విద్యుత్​ను నిలుపుదల చేశారు. ఆ తర్వాత ఫైర్​ ఫైటర్లను ఉపయోగించి మంటలను అదుపులోకి తీసుకొచ్చారు. దీంతో ప్రధాన రహదారిపై పెను ప్రమాదమే తప్పినట్లు అయింది. పెను ప్రమాదం తప్పడంతో అంతా ఊపిరి పీల్చుకున్నారు. ఇలాంటి సంఘటనలు జరగకుండా ఉండేందుకు బంక్​ యాజమాన్యం అనేక రకాల జాగ్రత్తలు తీసుకోవాలని అధికారులు మొదటి నుంచి హెచ్చరిస్తూనే ఉన్నారు.