జనం సొమ్ముతో జగన్​ ఎన్నికల ప్రచారం: శ్రీనివాసరావు

CPM State Secretary Srinivasa Rao Challenges CM Jagan : ప్రజలే తన స్టార్​ క్యాంపెయినర్లు అంటున్న జగన్​కు ధైర్యముంటే ఐపాక్​ టీంను రద్దు చేయాలని సీపీఎం రాష్ట్ర కార్యదర్శి శ్రీనివాసరావు సవాల్​ విసిరారు. జనం సొమ్ముతో జగన్​ ఎన్నికల ప్రచారం చేస్తున్నారని మండిపడ్డారు. వైసీపీ అడ్డదారుల్లో గెలవాలని కుట్ర పన్నిందని ఆరోపించారు. రాష్ట్రంలో ఎన్నికలు పారదర్శకంగా జరగాలంటే అధికార యంత్రాంగాన్ని ఎన్నికల సంఘం తన అధినంలోకి తీసుకోవాలని విజ్ఞప్తి చేశారు.

రాష్ట్రంలో రోజురోజుకు పెరుగుతున్న ఆర్థిక భారం వల్ల స్టార్​ క్యాంపెయినర్లే కాదు ప్రభుత్వ వ్యతిరేకులు కూడా ఉన్నారని శ్రీనివాసరావు పేర్కొన్నారు. రాష్ట్రంలో ముందుగా ఎన్నికల బాండ్లను నిషేధించాలని డిమాండ్​ చేశారు. అధికార ప్రభుత్వం ప్రజల సొమ్మును దుర్వినియోగం చేస్తుందని ఆరోపించారు. ఎన్నికలకు 2 నెలల వ్యవధిలోనే అధికార ప్రభుత్వమే ఓటర్​ జాబితాను విడుదల చేస్తుందని వ్యాఖ్యానించారు. అధికార ప్రభుత్వం స్వేచ్ఛగా ఎన్నికల ప్రచారం చేసుకుంటారు, విపక్ష నాయకులపై కేసులు, అరెస్ట్​లు, నిర్భందాల పేరుతో కట్టడి చేస్తారని దుయ్యబట్టారు.